Latur News: गोडाऊन फोडून चोरी तुरीच्या कट्ट्याची चोरी; ५ आरोपींना अटक

लातुर : पोलीस ठाणे एमआयडीसी हद्दीमधील चिंचोलीराववाडी परिसरात असलेल्या गोदाममध्ये साठवून ठेवलेले तुरीचे २६ कट्टे चोरीला गेले होते. याबाबतची तक्रारीवरून (Police) पोलीसात गुन्हा दाखल करण्यात आला होता. दरम्यान (LCB) स्थानिक गुन्हे शाखेच्या पथकाने ५ आरोपीसह ७ लाख ५६ हजार रुपयाचा मुद्देमाल जप्त केला आहे. (Maharashtra News)

चोरीत योगेश कृष्णा मोरे, विवेक अशोक हनमंते, तानाजी गोरोबा आतकरे, आकाश उर्फ सुरज पंडितराव लोमटे आणि आकाश भालचंद्र सुरवसे यांना अटक केली आहे. गोदामची डुप्लिकेट चावी बनवून चोरांनी गोदाममध्ये (Latur) साठवून ठेवलेल्या धान्यापैकी तुरीचे प्रत्येकी ५० किलो वजनाचे २६ कट्टे त्यांच्या चार चाकी व दुचाकी वाहनावरून चोरून नेल्याचे कबूल केले.

साडेसात लाखाहून अधिकचा मुद्देमाल जप्‍त

आरोपीपैकी आकाश लोमटे याच्या घरी ठेवलेले २६ तुरीचे कट्टे, गुन्ह्यात वापरलेले एक कार, दोन मोटरसायकल असा एकूण ७ लाख ५६ हजार ४०० रुपयाचा मुद्देमाल जप्त करण्यात आला आहे.