Garlic Price: कांद्यानंतर लसूणला चढला भाव; किलोमागे इतके पैसे

संदीप भोसले

लातूर : होलसेल बाजारासह किरकोळ बाजारात कांद्याचे भाव वाढले आहेत. किरकोळ बाजारात (Onion) कांदा ८० रुपये किलो प्रमाणे विक्री होत असताना आता लसूणच्या (Garlic) भाव देखील वाढला आहे. किलोचे दर दीडशे रुपयांच्या जवळ पोहचले आहेत. यामुळे किचनमधील भाजीतील लसणाचा तडका आता महागला आहे. (Breaking Marathi News)

भाजीबाजारात सध्या कांदा आणि लसूण भाव खात आहे. कांद्याचे भाव अगोदरच वाढले असल्याने सर्वसामान्यांना कांदा रडवत आहे. किरकोळ बाजारात कांदा ७० ते ८० रुपये प्रतिकिलो दराने विकला जात आहे. यानंतर आता भाजीपाला मार्केटमध्ये सद्या लसूण भाव खातो आहे. बाजारात (Latur) आवक घटल्याने लसूनाला ११ ते १२ हजार रूपये प्रति क्विंटल भाव मिळत आहे. यामुळे लसूण उत्पादन करत असलेल्या शेतकऱ्यांना याचा फायदा होत आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सणासुदीच्या तोंडावर भाव वाढले 

किरकोळ बाजारात लसूण १३०-४० रुपये प्रति किलो भावाने लसणाची विक्री होत आहे. त्यामूळे सर्वसामन्याची रोजची फोडणी महागली आहे. तर सद्या सण उत्सवाच्या पार्श्वभूमीवर गुजरात आणि मध्यप्रदेश राज्यातून आठवड्याला १०० ते २०० क्विंटल लसणाची आयात ही एकट्या लातूर भाजीपाला मार्केटमध्ये केली जात आहे.