Latur News : लातूरच्या भातांगळी पाटीजवल एक भीषण अपघात झाला आहे. लग्नासाठी मुलगी पाहायला गेलेल्या सहा जणांवर काळाने घाला घातला आहे. कार आणि टेम्पोच्या भीषण अपघातात दोन जण जागीच ठार झाले आहे. चार जण गंभीर जखमी झाल्याची दुर्दैवी घटना जिल्ह्यात घडली. या अपघाताने परिसरात एकच खळबळ उडाली आहे. (Latest Marathi News)
मिळालेल्या माहितीनुसार, लातूरच्या (Latur) उदगीरमधील सहा जण कारने लातूरला मुलगी पाहण्यासाठी निघाले होते. दुपारी ते लातूरपासून जवळच असलेल्या भातांगळी पाटीजवळ येताच समोरून टेम्पो भरधाव वेगात आला. या दोन्ही वाहनांची समोरासमोर जोरदार धडक बसली. या भीषण अपघातात कारचा अक्षरश: चक्काकूर झाला. या अपघातात (Accident) समता नगरमधील रहिवासी तानाजी कुमदाळे आणि अन्य एक जण जागीच ठार झाले. तर चार जण गंभीर जखमी झाले आहेत. दोघांच्या मृत्यूने परिसरात हळहळ व्यक्त करण्यात येत आहे.
घटनेची माहिती मिळताच पोलीस घटनास्थळी दाखल झाले. जखमींना उपचारासाठी लातूर येथील दिवगंत विलासराव देशमुख शासकीय वैद्यकीय रुग्णालयात उपचारासाठी तात्काळ दाखल करण्यात आले आहे. जखमींचा प्रकृती गंभीर असल्याचे सांगण्यात येत आहे.
नागपुरातील (Nagpur) काटोल तालुक्यात एक दुर्देवी घटना घडली. सावरगाव जांब नदीच्या पुलावर अचानक दुचाकीस्वाराला वाचवण्याच्या नांदात कंटेनर चालकाने अचानक ब्रेक दाबला. ब्रेक मारताच हा दुचाकीस्वार बचावला. पण कंटेनरचा मागील भाग पूर्णपणे विरुद्ध दिशेने गेल्याने त्याची एका तरुणाच्या बाईकला धडक बसली. या धडकेत तरुणाचा मृत्यू झाला.
अंगावर काटा आणणारी ही थरारक घटना (Accident) सीसीटीव्ही कॅमेऱ्यात कैद झाली आहे. योगेश रमेश रिठे असं मृत्युमुखी पडलेल्या तरुणाचं नाव आहे. अपघातात कंटेनर चालक आणि वाहक देखील जखमी झाले आहेत. एकाला वाचवण्याच्या नांदात दुसऱ्या तरुणाचा जीव गेल्याने परिसरातून मोठी हळहळ व्यक्त केली जात आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
