Khandala Fire News: मोठी बातमी! खंडाळा घाटात टँकरला भीषण आग; 4 जणांचा होरपळून मृत्यू , 3 जखमी

Khandala Fire News: खंडाळा घाटातून एक मोठी बातमी समोर आली आहे. खंडाळा घाटात ऑइल टँकरला भीषण आग लागली आहे. या घटनेत एका महिलेसह अन्य तिघांचा होरपळून मृत्यू झाला आहे. तर काही व्यक्ती जखमी झाल्याचे समजले आहे. आग इतकी भीषण आहे की, मुंबई-पुणे वाहतूक देखील ठप्प झाली आहे.

मुंबई पुणे एक्सप्रेस हायवेवर टँकरला भीषण आग लागली आहे. या आगीत दोन व्यक्ती होरपळल्याची भीती आहे. एक्सप्रेस वेवर लोणावळा हद्दीत कुने गावाच्या ब्रीजवर ही घटना घडली आहे. दोन्ही बाजूची रहदारी सध्या थांबवण्यात आली असून आग विझविण्याचे प्रयत्न केले जात आहेत.

दुर्दैवाने यात 7 जण होरपळले आहेत. त्यातील 4 जणांचा मृत्यू झाला आहे. तर 3 जण गंभीर जखमी आहेत. सदर घटनेची माहिती पोलिसांना मिळताच त्यांनी घटनास्थळी धाव घेतली. अग्निशमन दलाचे पथक देखील घटनास्थळी दाखल झाले आहे. सध्या आग आटोक्यात आणण्याचे शर्थीचे प्रयत्न सुरु आहेत. खंडाळा (Khandala) घाटात झालेल्या या दुर्घटनेतील मृतांचा आकडा आणखी वाढण्याची भीती आहे.