Gautami Patil Program: गौतमीचा कार्यक्रम पडला महागात; आयोजकावर गुन्हा दाखल

सोलापूरात गौतमीचा कार्यक्रम आयोजित करणं एका व्यक्तीला चांगलच महागात पडलं आहे.
Gautami Patil Program
Gautami Patil ProgramSaam TV

Solapur News: सबसे कातील गौतमी पाटील तिच्या नृत्याने भलतीच चर्चेत आली आहे. गौतमीने फार कमी वेळेत प्रसिद्धीचं शिखर गाठलं आहे. सध्या प्रत्येक गावागावात गौतमीचा कार्यक्रम होत असतो. अशात गौतमी आपल्या गावात येणार म्हटल्यावर कार्यक्रमाची जय्यद तयारी सुरू होते. सोलापूरात गौतमीचा कार्यक्रम आयोजित करणं एका व्यक्तीला चांगलच महागात पडलं आहे. (Latest Gutami News)

गौतमी म्हटल्यावर कार्यक्रमात राडा आणि गोंधळ होण्याच्या घटना फार वाढल्या आहेत. त्यामुळे रात्री १० नंतर पोलिसांकडून खबरदारी घेत शो बंद केले जात आहेत. त्यामुळे वेळेची मर्यादा पाळतच गौतमीला तिचे कार्यक्रम करावे लागतात. अशात वेळ न पाळणे एका व्यक्तीच्या चांगलच अंगलट आलं आहे. गौतमीच्या कार्यक्रमाच्या आयोजकांवर गुन्हा दाखल करण्यात आला आहे.

Gautami Patil Program
Buldhana Crime News : २४ तासांपूर्वी बेपत्ता झाली होती ६ वर्षीय चिमुकली, जंगलातील भयंकर दृश्यानं चिखली हादरली

बार्शीमध्ये सामाजिक कार्यकर्ते राजेंद्र गायकवाड मित्र मंडळ या संस्थेने शुक्रवारी गौतमी पाटीलच्या शोचे आयोजन केले होते. हा शो संध्याकाळी सात वाजता सुरु होणार होता. त्यासाठी शो सुरु होण्यापूर्वी सहा वाजताच मोठ्यासंख्येने सर्वांनी गर्दी केली होती. या शोसाठी अनेकांनी तिकीट काढून हजेरी लावली होती. पण शो वेळेवर सुरु झाला नाही. रात्री साडेनऊच्या सुमारास शो सुरु झाला. कारण गौतमी पाटीलच या शोच्या ठिकाणी उशिरा पोहचली. त्यामुळे या कार्यक्रमासाठी सहा वाजल्यापासून येऊन बसलेले सर्वजण कंटाळले.

अशामध्ये गौतमी पाटीलने (Gautami Patil) स्टेजवर ढासू एन्ट्री मारली. शोसाठी हजेरी लावलेल्या सर्वांनी शिट्यांनी संपूर्ण परिसर दणाणून टाकला. एका गाण्यावर गौतमी पाटीलनेने जबरदस्त डान्स केला. त्यानंतर पोलिसांनी तिचा शो बंद पाडला. 10 वाजल्यानंतर गौतमीचा शो सुरु असल्यामुळे बार्शी पोलिसांनी कोणत्याही प्रकारचा अनुचित प्रकार घडू नये, गोंधळ होऊ नये यासाठी हा शो बंद पाडला.

Gautami Patil Program
Akola Crime News: भररस्त्यात तरुणावर तलवारीने सपासप वार; धक्कादायक घटनेनं अकोला हादरलं

राजेंद्र गायकवाड यांनी कोणतीही शासकीय परवानगी न घेता कार्यक्रम आयोजित केला होता. त्यामुळे आयोजकांवर गु्न्हा दाखल करण्यात आला आहे. पोलीस अमोल वाडकर यांच्या फिर्यादीवरून आयोजक राजेंद्र गायकवाडवर बार्शी (Barshi) शहर पोलीस ठाण्यात गुन्हा दाखल करण्यात आला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com