Khopoli Accident News: भाजी खरेदीसाठी गेलेल्या पती-पत्नीची ताटातूट; भीषण अपघातात महिलेचा जागीच मृत्यू

Accident News: घटनेचत महिलेच्या पतीला देखील मार लागला आहे. त्यांच्यावर जवळच्या रुग्णालयात उपचार सुरू आहेत.
Khopoli Accident News
Khopoli Accident NewsSaam TV

सचिन कदम, रायगड

Khopoli News: खोपोली येथून अपघाताची एक मोठी घटना समोर आली आहे. मोटर सायकलचा अपघात झाल्याने एका महिलेचा जागीच मृत्यू झालाय. या घटनेनं परिसरात हळहळ व्यक्त केली जात आहे. घटनेत महिलेच्या पतीला देखील मार लागला आहे. त्यांच्यावर जवळच्या रुग्णालयात उपचार सुरू आहेत. (Latest Accident News)

मिळालेल्या आधिक माहितीनुसार, खोपोली पळसदरी रस्त्यावर आज सकाळी झालेल्या मोटर सायकल अपघातामध्ये महिलेचा जागीच मृत्यू झालाय. ही महिला आणि तिचा पती दोघेही शहरातील भाजी मार्केटमध्ये होलसेलमधून भाजी आणण्यासाठी आले होते. मात्र तिथे पोहचण्याआधीच काळाने त्यांच्यावर घाला घातला. भीषण अपघातात पत्नीचा मृत्यू झाला आहे.

Khopoli Accident News
Pune Crime News: धक्कादायक! तारण ठेवलेला लॅपटॉप मागितल्याने दांम्पत्याला बेदम मारहाण; दोघांना अटक

नीरा सुरेश ठोंबरे असे मृत महिलेचे नाव आहे. मिळालेल्या माहिती प्रमाणे, निरा आणि सुरेश ठोंबरे हे पती-पत्नी मोटर सायकलवरून खोपोली भाजी मार्केटमधून होलसेल भाजी खरेदी करण्यासाठी कर्जत येथे निघाले होते. खोपोली पळसदरी रस्त्यावर कर्जतच्या दिशेने जाणाऱ्या अज्ञात ट्रकने त्यांना धडक दिली. या अपघातामध्ये सुरेश ठोंबरे यांच्या मणक्याला गंभीर दुखापत झाली तर मागे बसलेल्या निरा ठोंबरे यांच्या डोक्याला गंभिर दुखापत झाल्याने त्यांचा जागीच मृत्यू झाला.

समृद्धी महामार्गावर भीषण अपघात

समृद्धी महामार्गावर अपघातांची मालिका सुरूच आहे. दर दोन दिवसांनी या महामार्गावर अपघात होताना दिसत आहेत. अशात आज देखील मसृद्धी महामार्गावर भीषण अपघात झाला आहे. समृद्धी महामार्गावर दोन ट्रक एकमेकांना धडकल्याने मोठी आग लागली आहे. 

Khopoli Accident News
Samruddhi Highway Accident: समृद्धी महामार्गावर भीषण अपघात; दोन ट्रक एकमेकांवर धडकताच घेतला पेट

मिळालेल्या अधिक माहितीनुसार,अपघातानंतर दोन्ही ट्रकला आग लागली. ही आग इतकी भीषण होती की यात एक ट्रक जळून खाक झाला आहे. सुदैवाने यात कोणतीही जीवितहानी झालेली नाही. ट्रकचालक आणि सहकाऱ्यांना वाचवण्यात यश आलं आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com