Samruddhi Mahamarg Accident : समृद्धी महामार्गावरील अपघातांचा घाबरवणारी आकडेवारी समोर; ७ महिन्यात ७२९ अपघात, मृतांचा आकडाही मोठा

Nashik News :

महाराष्ट्राला समृद्ध करण्यासाठी निर्माण करण्यात आलेला समृद्धी महामार्ग नागरिकांसाठी जीवघेणा ठरत आहे. समृद्धी महामार्गावर वारंवार होणारे अपघात चिंतेचा विषय आहे. समृद्धी महामार्गावर अपघातांचे प्रमाण दिवसेंदिवस वाढत आहेत. वाहनांचा वेग हा समृद्धी महामार्गावर होणाऱ्या अपघातांचं प्रमुख कारण आहे.

मुंबई-नागपूर समृद्धी महामार्गावर अपघात टाळण्यासाठी वेगाला आवरा अशी स्थिती निर्माण झाली आहे. समृद्धी महामार्गावर डिसेंबर ते जुलैदरम्यान ७२९ अपघातांची नोंद आहे. अपघातात आतापर्यंत १०१ प्रवाशांचा मृत्यू झाला आहे, तर २६२ प्रवासी गंभीर जखमी झाले आहेत. (Accident News)

चालकाला येणारा थकवा, गाडी चालवताना लागणारी डुलकी आणि कमाल वेग मर्यादेचे उल्लंघन ही अपघातांची प्रमुख कारणे आहेत. तसेच वाहनांचे टायर फुटून देखील अनेक अपघात झाल्याची नोंद आहे. यासाठी प्रशासनाने महामार्गावर गाड्यांना टायर चेक करुन सोडण्याची मोहीम देखील सुरु केली आहे.  (Latest Marathi News)

समृद्धी महामार्गावरील सर्वाधिक ४५१ लहान मोठे अपघात नागपूर विभागात झाले आहेत. टायर फुटून १०९, चालकाला डुलकी अथवा थकवा आल्यानं २४२ तर ओव्हरस्पीडींगमुळे  १२८ अपघात झाले आहेत.