Ladki Bahin Yojana: १४ हजार पुरूषांकडून प्रत्येकी ₹ १६५००ची वसूली, १५ दिवसांत होणार कारवाई?

Summary -

• लाडकी बहीण योजनेत १४ हजार पुरुषांनी बोगस लाभ घेतल्याचं उघड.

• लाडकी बहीण योजनेचा लाभ घेतलेल्या प्रत्येक पुरूषाकडून १६,५०० रुपयांची वसुली करण्यात येणार आहे.

• पुढच्या १५ दिवसांत त्यांच्याकडून वसुली करत गुन्हा नोंदवण्याची प्रक्रिया सुरू होणार.

लाडकी बहीण योजनेचा लाभ घेणाऱ्यांवर कडक कारवाई होणार आहे. महाराष्ट्र सरकारकडून कारवाई करण्याबाबतच्या हालचालींना वेग आला आहे. लाडकींचा लाभ घेणाऱ्या पुरूषांवर पुढच्या १५ दिवसांत कारवाई होणार असल्याची माहिती समोर आली आहे. महिला व बाल कल्याण खात्याकडून केंद्रीय माहिती आणि तंत्रज्ञान खात्याने पाठवलेल्या २६ लाख लोकांचा डेटा व्हेरिफाय करण्याच्या कामाला सुरूवात करण्यात आली आहे.

लाडक्या बहीण योजनेचा लाभ घेणाऱ्या पुरूषांवर कारवाई केली जाणार आहे. राज्य सरकारने लाडकी बहीण योजना राबवल्यानंतर राज्यातील अनेक पुरूषांनी अनधिकृतपणे या योजनेचा लाभ घेतला. या सर्व पुरूषांवर कारवाई करत राज्य सरकार त्यांना दिलेल्या निधीची सगळी रक्कम वसुल करणार आहे. ही रक्कम वसुल करत असताना त्याची पडताळणी केली जाणार आहे. जवळपास हजारोंच्या संख्येने या बोगस पुरूषांचा या योजनेत सहभाग झाला होता.

लाडकी बहीण योजनेचा लाभ घेणाऱ्या काही महिलांनी असे स्पष्टीकरण दिले आहे की, त्यांच्या नावावर बँक अकाऊंट नसल्यामुळे त्यांनी घरातील इतर पुरूषांच्या बँक अकाऊंटद्वारे या योजनेचा लाभ घेतला आहे. आता या योजनेत दोषी पुरूषांविरोधात कारवाई केली जाणार आहे. जी कारवाई केली जाणार आहे त्या अंतर्गत ज्या पुरूषांनी या योजनेचा लाभ घेतला आहे त्यांच्याकडून सर्व रक्कम वसुल केली जाणार आहे. सोबतच त्यांच्याविरोधात गुन्हा देखील दाखल करण्यात येणार आहे.

यासंदर्भात महिला व बाल विकास मंत्रालयाकडून यासंदर्भातील प्रक्रियेला सुरूवात झाली आहे. १५ दिवसानंतर या कारवाईला आणखी वेग येणार असल्याचे सांगितले जात आहे. तब्बल १४ हजार पुरूषांनी या योजनाचा लाभ घेतला होता. या सर्व पुरूषांकडून १६,५०० रुपयांची वसुली केली जाणार आहे. त्यामुळे या योजनेचाे लाभ घेतलेले पुरूष आता चांगलेच अडचणीत आले आहेत.