Ladki Bahin Yojana : ₹१५०० बंद होण्याची भीती वाटतेय, लाडक्या बहिणींने 'हे' काम आताच करा

महाराष्ट्र सरकारच मुख्यमंत्री माझी लाडकी बहीण योजना ही चर्चेचा विषय ठरत आहे. या योजनेअंतर्गत महिलांना दर महिन्याला १५०० रुपये दिले जातात. या योजनेसाठी काही निकष ठरवून देण्यात आले आहे. या निकषांमध्ये पात्र महिलांनाच योजनेचा लाभ मिळणार आहे. दरम्यान, आता लाडकी बहीण योजनेचा हप्ता मिळवण्यासाठी तुम्हाला आणखी एक काम करायचे आहे. तुम्हाला तुमची ईकेवायसी प्रक्रिया पूर्ण करायची आहे.

ई केवायसीबाबत निर्णय

लाडकी बहीण योजनेत आता लाभार्थ्यांना दर वर्षी ई केवायसी करायची आहे. जर तुम्ही ई केवायसी केले नाही तर तुम्हाला योजनेचा लाभ मिळणार नाहीये. त्यामुळे सर्व लाभार्थी महिलांनी केवायसी करायची आहे. दरम्यान, जर महिलांनी निकषांबाहेर जाऊन योजनेचा लाभ घेतला असेल तर ते केवायसीमधून समोर येणार आहे. परिणामी त्यांना योजनेतून बाद केले जाणार आहे. सर्व पात्र महिलांनाच या योजनेचा लाभ मिळावा, हे केवायसी करण्यामागचे मुख्य उद्दिष्ट आहे.

३१ डिसेंबरपूर्वी करा हे काम

लाडकी बहीण योजनेअंतर्गत केवायसी करण्याची शेवटची तारीख ३१ डिसेंबर निश्चित करण्यात आली आहे. त्यामुळे पुढच्या महिन्याभरात तुम्हाला केवायसी करायचे आहे. केवायसीची संपूर्ण प्रोसेस ही ऑनलाइन आहे.

यासाठी तुम्हाला https://ladakibahin.maharashtra.gov.in/ या वेबसाइटवर जाऊन संपूर्ण प्र्क्रिया करायची आहे. येथे तुम्हाला लाभार्थी महिलांचा आधार कार्ड नंबर टाकायचा आहे. त्यानंतर तुमच्या फोनवर जो ओटीपी येईल तो टाकायचा आहे. यानंतर तुम्हाला तुमच्या वडिलांची किंवा पतीची केवायसी करायची आहे. यासाठी सेम प्रोसेस आहे. तुमच्या वडिलांची किंवा पतीचा आधार नंबर टाका. त्यानंतर लिंक केलेल्या नंबरवर ओटीपी येईल. हा ओटीपी टाकल्यानंतर केवायसी पूर्ण होईल.