लाडक्या बहिणींना ई केवायसी अनिवार्य
२.५ लाखांपेक्षा जास्त उत्पन्न असलेल्या महिलांचे अर्ज बाद होणार
ई केवायसीतून सर्व माहिती उघडकीस
लाडकी बहीण योजनेत महिलांची केवायसी अनिवार्य केली आहे. लाडकी बहीण योजनेत ज्या महिला केवायसी करणार नाहीत त्यांना योजनेचा लाभ मिळणार नाहीत. दरम्यान, केवायसीमध्येही ज्या महिला निकषांमध्ये बसत नाहीत. त्यांची माहिती मिळणार आहे आणि त्या महिलांचे लाभ बंद केले जाणार आहेत. आता वार्षिक उत्पन्न जर २.५ लाखांपेक्षा जास्त असेल तर त्या महिलांना फटका बसणार आहे. या महिलांची माहिती ई केवायसीमध्ये उघडकीस येणार आहे.
लाडकी बहीण योजनेच्या ई केवायसीसाठी ३१ डिसेंबरपर्यंतच मुदत देण्यात आली आहे. या मुदतीपूर्वी सर्व महिलांना केवायसी करायची आहे. दरम्यान, या केवायसीत ज्या महिलांनी निकषांबाहेर जाऊन योजनेचा लाभ घेतला आहे त्यांचा लाभ बंद केला जाणार आहे.
लाडकी बहीण योजनेच्या लाभार्थ्यांना ईकेवायसी करणे गरजेचे आहे. ई केवायसीमधून महिलांची सर्व माहिती मिळणार आहे. महिलांसोबत त्यांच्या पती किंवा वडिलांचीही केवायसी होणार आहे. त्यामुळे या महिलांचे वार्षिक उत्पन्न, वय याबाबत सर्व माहिती मिळणार आहे. याच माहितीच्या आधारे अडीच लाखांपेक्षा जास्त उत्पन्न असलेल्या महिलांना योजनेचा लाभ मिळणार नाहीये.
लाडकी बहीण योजनेत जवळपास अडीच कोटींपेक्षा जास्त महिलांनी योजनेता लाभ घेतला आहे. या योजनेत निकषांबाहेर जाऊनदेखील महिलांनी लाभ घेतला होता. त्यानंतर महिलांच्या अर्जांची पडताळणी करण्यात आली. यामधून ५२ लाख महिला अपात्र असल्याची माहिती समोर आली. त्यांचे लाभ बंद करण्यात आले.
प्राप्तिकर विभागाकडे दिली जाणार माहिती
आता ई केवायसीनंतर लाडक्या बहि‍णींची सर्व माहिती प्राप्तिकर विभागाकडे दिली जाणार आहे. प्राप्तिकर विभाग या माहितीची पडताळणी करेल. यामध्ये ज्या लाभार्थ्यांचे उत्पन्न २.५ लाखांपेक्षा जास्त आहे त्यांना योजनेचा लाभ मिळणार नाहीये. त्यांचा लाभ कायमचा बंद केला जाणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.