![kusgaon villagers morcha against illegal mining at wai mahaganpati krishna river bank](http://media.assettype.com/saamtv%2F2024-06%2Ff0965bfa-f6b0-4c5c-b029-ba9c40c03bbf%2FSaam_Templet_Banner_new__8_.jpg?w=480&auto=format%2Ccompress&fit=max)
सातारा महसूल विभागाने वाई तालुक्यातील कुसगाव परिसरात दिलेली उत्खनन आणि क्रशिंगची दिलेली परवानगी रद्द करावी या मागणीसाठी आज (शुक्रवार) वाईतील गणपती मंदिराच्या बाहेर असलेल्या कृष्णा नदीकाठी ग्रामस्थांनी आंदोलन केले. यावेळी काही आंदोलकांनी पाण्यात उतरुन परवानगी रद्द न झाल्यास आगामी काळात तीव्र आंदाेलन छेडू असा इशारा प्रशासनास दिला.
सातारा जिल्ह्यातील वाई तालुक्यात बेकायदा उत्खनन करणे, क्रशिंग करणे याबाबत वेळोवेळी त्या-त्या गावांकडून आंदोलन करण्यात आले होते. त्यात आता कुसगाव या गावाच्या परिसरात महसूल विभागाने क्रशिंग करण्यासाठी डोंगराचा भाग दिला आहे. ज्या डोंगराच्या भागात हे उत्खनन सुरू होत आहे.
ज्या गावालगत ही परवानगी दिली आहे. त्या परिसरातील ग्रामस्थांनी आणि इतर ग्रामस्थांनी त्यास विरोध दर्शवला आहे. या डोंगरात क्रशिंग करून दिले जाणार नाही अशी भूमिका ग्रामस्थांनी घेतली आहे. महसूल विभागाने दिलेली परवानगी रद्द करावी या कारणास्तव आज वाईतील गणपती मंदिराच्या बाहेर असलेल्या नदीकाठी आंदोलन करून ग्रामस्थांनी निषेध नोंदवला.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.