आमदार शशिकांत शिंदे यांच्या विराेधात 9 हजार मतांची आघाडी घेतल्यानंतर एक नेता एक आवाज उदयन महाराज उदयन महाराज अशा घाेषणा देत शेकडाे कार्यकर्त्यांनी जलमंदिर पॅलेस येथे दाखल हाेत भाजपचे राज्यसभा खासदार उदयनराजे भाेसले यांना पॅलेसमधून बाहेर पडण्याची विनंती करत जल्लाेष केला.
सातारा लाेकसभा मतदारसंघात मतमाेजणीच्या पहिल्या फेरीपासून पिछाडीवर असलेल्या उदयनराजे भोसले यांनी 15 व्या फेरीत 9736 मतांची आघाडी घेतली. उदयनराजेंना 479304 मते तसेच शशिकांत शिंदेंना 469568 मते मिळाली आहेत.
उदयनराजेंनी मतांची आघाडी घेताच त्यांच्या समर्थकांनी एकच जल्लाेष केला. सातारा शहर व परिसरात फटाके फाेडले. अनेकांनी गुलाल उधाळला. दरम्यान जलमंदिर पॅलेस येथे उदयनराजे भाेसले यांचे कार्यकर्त्यांनी अभिनंदन करण्यास प्रारंभ केला.
यावेळी उदयनराजेंना अश्रु अनावर झाले. उदयनराजे यांच्या पत्नी दमयंतीराजे यांनी त्यांना मिठी मारुन अभिनंदन करत सावरले. त्यावेळी कार्यकर्त्यांनी एकच जल्लाेष केला.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.