RTO च्या कामात 'सारथी'चे विघ्न, नागरिकांना मनस्ताप

- रणजीत माजगावकर

Kolhapur News :

कोल्हापूर आणि सातारा जिल्ह्यातील प्रादेशिक परिवहन अधिकारी कार्यालयातील (आरटीओ) सर्व्हर डाऊन झाल्याने येथील कामकाज ठप्प झाले आहे. विशेषत: या दाेन्ही कार्यालयातील लर्निंग लायसन्ससह इतर विभागाचे कामकाज ठप्प झाल्याने नागरिकांना मोठा मनस्ताप सहन करावा लागत आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

गेल्या तीन दिवसांपासून प्रादेशिक परिवहन अधिकारी कार्यालयातील कामकाज ठप्प झाले आहे. नागरिकांनी त्यांच्या कामसााठी ऑनलाईन पद्धतीने अर्ज केल्यानंतर त्यांना आेटीपी येत नसल्याचे सांगितले जात आहे. त्यामुळे त्यांना पुढील काेणतीही कार्यवाही करता येत नाही. परिणामी त्यांचा कामाचा खाेळंबा हाेत आहे.

याबाबत सातारा प्रादेशिक परिवहन अधिकारी विनोद चव्हाण म्हणाले सारथी संगणक प्रणाली वापरकर्त्यांना गेल्या दोन ते तीन दिवसांपासून तांत्रिक अडचणी येत आहेत. सारथी प्रणाली वापरकर्त्यांची संख्या जास्त आहे. संगणकावरील डेटाबेस फाईल मध्ये तांत्रिक समस्या निर्माण झालेने सारथी संगणक प्रणालीला अडचणी येत आहेत.

याबाबतीत राष्ट्रीय विज्ञान सूचना केंद्र (NIC) यांच्याद्वारे अडचणी दूर करणेचे कामकाज चालू आहे. या कामकाजास संगणकावरील डेटाबेस फाईल साईज जास्त असल्याने कालावधी लागत आहे. (Maharashtra News)

सारथी संगणकीय प्रणालीवरील तांत्रिक अडचणी लवकरच दूर केल्या जातील असे राष्ट्रीय विज्ञान सूचना केंद्र (NIC) ने कळविले आहे. तरी काही कालावधीतच सारथी संगणकीय प्रणालीशी असणा-या तांत्रिक अडचणी दूर होतील व सारथी संगणक प्रणाली सुरळीतपणे चालू होईल असेही प्रादेशिक परिवहन अधिकारी विनोद चव्हाण यांनी नमूद केले.

Edited By : Siddharth Latkar