Kolhapur: कोल्हापुरात केएमटी कर्मचाऱ्यांचा संप; बस सेवा ठप्प

- रणजित माजगावकर

Kolhapur News :

विविध मागण्यांसाठी कोल्हापूर महानगरपालिका परिवहन विभागाच्या कर्मचाऱ्यांनी आज (शुक्रवार) अचानक काम बंद आंदाेलन (kmt staffers on strike) सुरु केले आहे. यामुळे 42 मार्गावरील बस सेवा ठप्प झाली आहे. परिणामी प्रवाशांचा खाेळंबा झाला असून इच्छितस्थळी जाण्यासाठी अन्य वाहनांचा आधार घ्यावा लागत आहे. (Maharashtra News)

विविध मागण्यांसाठी केएमटी कर्मचाऱ्यांनी पुकारलेल्या संपाबाबत निशिकांत सरनाईक (अध्यक्ष, केएमटी परिवहन इंटकं युनियन) यांनी साम टीव्हीशी संवाद साधला. ते म्हणाले रोजंदारी कर्मचाऱ्यांना कायम करावे, महागाई भत्ता वाढवून द्यावे या मागण्यांकडे युनियन सातत्याने महानगरपालिका प्रशासनाकडे मागणी करीत आहे.

या मागणीकडे काेल्हापूर महानगरपालिका प्रशासनाने दुर्लक्षच केले. यामुळे आजपासून कर्मचाऱ्यांनी संपावर जाण्याचा निर्णय घेतला. यामुुळे बस सेवा बंद झाली आहे. महानगरपालिका प्रशासनाने तात्काळ मागण्या मान्य कराव्यात अशी मागणी कर्मचाऱ्यांनी साम टीव्हीशी बाेलताना केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar