हौसेला नाही मोल! कोल्हापुरात जावयासाठी बनवली दीड किलो वजनी चांदीची चप्पल

अधिकचा महिना म्हणजे जावयांसाठी लयलूट.अनेक सासरे आपल्या लाडक्या जावयांना नवीन कपड्यांपासून ते सोन्या-चांदीचे दागिने गिफ्ट देत असतात. मात्र कोल्हापूरच्या जावयाला सासऱ्यानं दिलेलं गिफ्ट पाहून तुम्हाला धक्का बसल्याशिवाय राहणार नाही. काय आहे हे गिफ्ट पाहूयात हा रिपोर्ट.

कोल्हापुरात कधी कवा काय घडलं सांगता येत नाय. कुस्ती पासनं तांबडा पांढरा अन् तांबड्या पांढऱ्यापासनं पायताना पर्यंत सगळंच एक नंबर असतंय. कोल्हापुरचं पायतान म्हणजी कोल्हापुरी चप्पल या चप्पलीनं विटरनॅशनली दणका उडवलाय. कोल्हापुरच्या एका पठ्ठ्यानं साधसुधं नाय तर चांदीचं पायतान बनवलंय. ती बी ग्राम तोळ्यात नाय तर किलोत बनवलीय. दीड किलोचं पायतान वाघानं बनिवलयं. कोल्हापुरात सगळच वजनात असतंय. मापून ठेवायची भानगड नाय.

सांगलीतल्या एका व्यापाऱ्यानं युरोपात असलेल्या जावायाला पायतान पाठवायचं ठरलं. पण ही पायतान वेगळं असलं पाहिजे अस सासऱ्याला वाटत होतं. सोन्यासारख्या लेकीला सांभाळणाऱ्या जावायाच्या पायात शंभर नंबरी चांदीचं पायतान दियाचं ठरलं अन् गाठलं कोल्हापूर. कोल्हापूरच्या प्रदीप माळीनं बी हाय गय केली नाय अन् बनिवली जबरा चांदीचं पायतान एकदम टेक्सास. खरंतर जावायची झाली चांदी.. सोन्यासारखी बायकू मिळाली त्या चांदीचं पायतान घटना वर्षाभरापूर्वीची असती तरी असली सासरा सगळ्या जावायांना मिळो