कोल्हापूर : कोल्हापूर बालिंगा रस्त्यावर ट्रक आणि मोटारसायकलच्या भीषण अपघातात (Accident) चिंचवडे तर्फ कळे (ता. करवीर) येथील विकास संभाजी तोरस्कर (२०) आणि ऋषीकेश राजाराम कांबळे (२१) हे दोन तरुण ठार झाले. कोल्हापूर-गगनबावडा रोडवरील बालिंग्यापासून काही अंतरावरील पाटील पेट्रोल पंपासमोर शुक्रवारी रात्री हा अपघात झाला. या अपघाताने कळे पंचक्रोशीत शोककळा पसरली आहे.
मिळालेली माहिती अशी, विकास आणि ऋषीकेश हे दोघे जिवलग मित्र होते. ते देखावे पाहण्यासाठी शुक्रवारी रात्री दुचाकीवरून कोल्हापूरकडे येत होते. पाटील पेट्रोल पंपासमोरील रस्त्यावर दोन दुचाकी एकमेकांना घासल्याने (Accident) त्यांचा वाहनावरील ताबा सुटला. दोघेही पुण्याहून गोव्याकडे जाणार्‍या मालवाहू ट्रकवर जोरात आदळले. त्यात एकजण ट्रकच्या मागील चाकात चिरडला गेला, तर दुसरा ट्रकला धडकून जोरात फेकला गेला.
यामध्ये ऋषीकेश जागीच ठार झाला; तर विकासचा शासकीय रुग्णालयात उपचारापूर्वीच मृत्यू झाला.अपघातात दुचाकीचा चक्‍काचूर झाला आहे. कोल्हापूर महापालिकेच्या अग्‍निशमन दलातील जवानांनी अग्‍निशमन दलाच्या वाहनातून दोघांना तातडीने रुग्णालयात (Hospital) हलविले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
