Kalyan News: बाळासाहेबांची शिवसेनेचे हटके आंदोलन, राहुल गांधींच्या वक्तव्याचा नोंदवला निषेध

कल्याण : कॉंग्रेस नेते राहुल गांधी यांनी स्‍वातंत्रवीर सावरकर यांचा अवमान केल्‍याच्‍या विरोधात बाळासाहेबांची शिवसेना (Shiv Sena) पक्षाकडून हटके आंदोलन झाले. गाढवाला चप्‍पलाहार घालून राहुल गांधी (Rahul Gandhi) यांचा निषेध केला. (Maharashtra News)

भारत जोडो यात्रेदरम्यान (Congress) काँग्रेस नेते राहुल गांधी यांनी स्वातंत्रवीर सावरकर यांचा खोटा इतिहास सांगत त्यांचा अवमान केला. गांधी यांच्या या वक्तव्याचा बाळासाहेबांची शिवसेना पक्षाने निषेध केला असून आंदोलनाच्या माध्यमातून राज्यात पडसाद उमटत आहेत. कल्याण (Kalyan) पूर्वेत शिवसैनिकांनी चक्क गाढवाला राहुल यांची प्रतिमा देत चप्पलचा हार घालत 'मी गाढव आहे, मला बोलायची अक्कल नाही' अशा तीव्र शब्दांत निषेध केला.

फोटोस काळे फासत जोडो मारो

तसेच राहुल गांधी यांच्या फोटोस काळे फासत जोडे मारो आंदोलन देखील करण्यात आले. यावेळी बाळासाहेबांची शिवसेना पक्षाचे कल्याण पूर्वेचे शहर प्रमुख महेश गायकवाड यांच्या नेतृत्वाखाली शिवसैनिकांनी हे आंदोलन केले. यावेळी कैलास शिंदे, संगीता गायकवाड, भारती जाधव, दिलीप दाकिंकर यांसह अनेक शिवसैनिक उपस्थित होते.