निकालाआधीच बावड्यात झळकले जयश्री जाधवांच्या विजयाचे पोस्टर!

कोल्हापूर - कोल्हापूर उत्तर विधानसभा पोटनिवडणुकीचे निकाल आज लागणार आहेत. काँग्रेसचे आमदार चंद्रकांत जाधव यांच्या निधनामुळे या जागेची पोटनिवडणूक झाली . या पोटनिवडणुकीत एकूण 15 उमेदवारांनी नशीब आजमावले असले तरी मुख्य लढत काँग्रेस आणि भाजपमध्ये आहे. काँग्रेसकडून (Congress) दिवंगत आमदार यांच्या पत्नी जयश्री जाधव यांना उमेदवारी देण्यात आली आहे. तर भारतीय जनता पक्षाकडून सत्यजित कदम उमेदवार आहेत. आज सकाळी ८ वाजल्यापासून मतमोजणी सुरुवात झाली आहे.

हे देखील पहा -

दरम्यान निकालआधीच जयश्री जाधव यांच्या विजयाचे पोस्टर्स बावड्यात झळकले आहे. आमदार झाल्याबद्दल जयश्री जाधवांचे अभिनंदन असे या पोस्टर्सवर लिहिण्यात आले आहे. पहिल्या तीन फेऱ्यात जयश्री जाधव यांनी आघाडी घेतली आहे. चौथ्या फेरीअखेर काँग्रेसच्या महाविकास आघाडीच्या जयश्री जाधव यांना १९००८ मतं तर भाजपचे सत्यजीत कदम ११७३५ मतं मिळाली आहेत.

Edited By - Shivani Tichkule