जालना : यवतमाळहून संभाजीनगरकडे प्रवाशी घेऊन निघालेली बस रस्त्याच्या बाजूच्या खड्ड्यात पडून अपघात (Accident) झाला. समोरून येत असलेल्या दुचाकीस्वाराला वाचवण्यासाठी (Jalna) बस चालकाने रस्त्याखाली बस उतरविल्याने हा अपघात झाला. या अपघातात चार ते पाच प्रवाशी जखमी झाले आहेत. (Live Marathi News)
जालना शहरापासून जवळ असलेल्या जालना देऊळगाव - राजा महामार्गावर कन्हैयानगर जवळ महामंडळाच्या बसला अपघात झाल्याची घटना घडली आहे. ५२ प्रवाशी घेऊन छत्रपती संभाजीगर आगाराची बस यवतमाळहुन छत्रपती संभाजीनगरकडे जात असताना ही घटना घडली. महामार्गावर समोरून येणाऱ्या एका दुचाकीस्वाराला वाचवताना एसटी चालकाने बस रोडच्या खाली घेतल्याने हा अपघात (Bus Accident) झाल्याची घटना घडली. या अपघातात चार ते पाच प्रवाशी जखमी झाले आहेत.
वेग कमी असल्याने मोठा अनर्थ टळला
घटनेची माहिती मिळताच शहर वाहतूक शाखेच्या पोलिसांनी घटनास्थळी धाव घेऊन संकटकालीन दरवाजातून बसमधील सर्व प्रवाशांना बाहेर काढले. यात चार ते पाच जखमीना उपचारासाठी शासकीय रुग्णालयात दाखल केला आहे. सुदैवाने बसचा वेग कमी असल्याने दुचाकीस्वराला वाचताना बस रस्त्याच्या खाली उतरून रस्त्याच्या बाजूला असलेल्या खड्ड्यात अडकल्याने कुठलाही प्रकारची जीवितहानी झाली नाही. ५२ प्रवाशापैकी दहा ते पंधरा प्रवाशांना किरकोळ इजा झाल्याची माहिती समोर आली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
