Jalna News: अकाउंटंट असलेल्या कर्मचाऱ्याने संपविली जीवनयात्रा; जालना नगरपरिषदेत खळबळ

जालना : जालना नगरपरिषद कार्यालयात अकाउंट विभागात कार्यरत अकाउंटंट असलेल्या कर्मचाऱ्याने राहत्या घरात (Jalna News) गळफास लावून आत्महत्या केली. सदर घटना आज सकाळी ९ वाजता उघड झाली. या घटनेने शहरासह नगर परिषद परिसरात एकच खबळ उडाली. (Live Marathi News)

अनंता भीमाशंकर लांडे असे आत्महत्या करणाऱ्या कर्मचाऱ्याचे नाव आहे. लांडे हे गेल्या काही दिवसांपासून आर्थिक अडचणीत असल्याने कौटूंबिक वाद सुरू होते. या वादातून त्यांनी रात्री जालना येथील खरपुडी परिसरात असलेल्या हरी गोविंदनगरमधील राहत्या घरात पत्नी झोपलेली असताना मागच्या खोलीत जाऊन गळफास लावला.

घटनेची माहिती मिळताच तालुका पोलिस ठाण्याच्या पोलिसांनी घटनास्थळी धाव घेत घटनेचा पंचनामा केला. पुढील तपास सुरू आहे. मनमिळाऊ कर्मचाऱ्याने अचानक आत्महत्या केल्याने शहरासह नगर परिषद कार्यालयात एकच खळबळ उडाली आहे.