Jalna SP Tushar Doshi: जालना लाठीमार प्रकरणात सरकारची मोठी कारवाई; जिल्ह्याचे एसपी तुषार दोषी सक्तीच्या रजेवर

Jalna News In Marathi

जालन्यातील अंतरवाली सराटी गावातील घडलेल्या लाठीमार प्रकरणानंतर राज्यभरात पडसाद उमटत आहेत. या प्रकरणावरून विरोधकांकडून कारवाईची मागणी होत आहे. याचदरम्यान, जालना लाठीमार प्रकरणात मोठी कारवाई केली आहे. गृहविभागाने जिल्ह्याचे पोलीस अधीक्षक तुषार दोषी यांना सक्तीच्या रजेवर पाठवलं आहे. (Latest Marathi News)

जालन्यात मराठा आंदोलक लाठीमार प्रकरणानंतर राज्यभरात पडसाद उमटले आहेत. जालन्यातील घटनेनंतर काही ठिकाणी हिंसक वळण लागल्याचे पाहायला मिळालं. अनेक जाळपोळीच्या घटना घडल्या. या घटनेनंतर शिंदे सरकारने कारवाईचे आश्वासन दिले होते. यानंतर गृहखात्याने मोठी कारवाई केली आहे.

जालन्यातील अंतरवाली सराटी येथे मराठा आंदोलकांवर लाठीमार झाल्यानंतर या भागात आंदोलनाला हिंसक वळण लागलं. या घटनेनंतर जिल्ह्याचे अधीक्षक तुषार दोशी यांचं नाव पुढे आलं. त्यांना आता सक्तीच्या रजेवर पाठवण्यात आलं आहे. गृहविभागाने ही मोठी कारवाई केली आहे.

कोण आहेत तुषार दोशी?

तुषार दोशी यांनी पदवी झाल्यानंतर पूर्ण झाल्यानंतर पोलीस भरती झालो. पदवी झाल्यानंतर महाराष्ट्र लोकसेवा आयोगाच्या परीक्षा दिली. त्यानंतर पोलीस खात्यात भरती झालो, तुषार दोशींनी नवी मुंबई पोलीस उपायुक्तपदी असताना एका मुलाखतीत ही माहिती दिली होती.

प्रकरणाची न्यायालयीन चौकशी करू : मुख्यमंत्री शिंदे

दरम्यान, मुख्यमंत्री एकनात शिंदे यांनी देखील या कारवाईवर भाष्य केलं. मुख्यमंत्री शिंदे म्हणाले, 'जालन्याचे एस पी, अतिरिक्त एस पी यांना सक्तीच्या रजेवर पाठविण्याचा निर्णय घेण्यात आला आहे. चौकशी झाल्यानंतर निलंबन करावं लागलं तर तीही कारवाई करू. या प्रकरणाची न्यायालयीन चौकशी देखील करू, असे मुख्यमंत्र्यांनी स्पष्टपणे सांगितलं आहे.