BJP Corporator : शाईफेक प्रकरण भाेवलं; भाजप नगरसेवकास एक वर्ष कैदेची शिक्षा

Jalna News : पालिका अधिकारी यांच्या अंगावर शाई फेकल्या प्रकरणी न्यायालयाने भाजप नगरसेवकास एक वर्षाची कैद सुनावली आहे. ज्ञानेश्वर रावसाहेब ढोबळे (dnyaneshwar dhobale) असे शिक्षा झालेल्या भाजपा नगरसेवकाचे नाव आहे. जालना (jalna) जिल्हा व सत्र न्यायालयात (court) ढाेबळेच्या खटल्यावर सुनावणी सुरु हाेती. त्याचा निकाल नुकताच लागला.

दाेन जून 2018 रोजी पालिकेचे मुख्याधिकारी संतोष खांडेकर हे स्थायी समितीच्या पाणीपुरवठा विभागाच्या बैठकीला जात असताना नगरसेवक ढोबळे यांनी त्यांना रस्त्यात अडवून धक्काबुकीं करत त्यांच्या अंगावर शाई फेकली होती. या घटनेनंतर शासकीय कामात अडथळा निर्माण केल्याप्रकरणी मुख्याधिकारी संतोष खांडेकर यांनी पोलिसांत (police) ढाेबळेंची तक्रार नाेंदवली हाेती. (Maharashtra News)

पोलिसांनी ढाेबळेवर गुन्हा दाखल करुन घटनेचा तपास केला. या खटल्यात जिल्हा व सत्र न्यायालयात सरकार पक्षातर्फे सात साक्षीदार तपासण्यात आले. या संपूर्ण प्रकरणावर जिल्हा व सत्र न्यायालयाने नगरसेवक ज्ञानेश्वर रावसाहेब ढोबळे यास एक वर्षाची कैद व एक हजार रुपये दंडची शिक्षा सुनावली.

Edited By : Siddharth Latkar