Stone Pelting In Malkapur : क्रिकेट सामन्यानंतर तुफान दगडफेक; मलकापूर पाेलिसांत वीस जणांवर गुन्हा दाखल

Buldhana Crime News : बुलढाणा जिल्ह्यातील मलकापूर शहरातील रामदेव बाबा नगर परिसरात क्रिकेट सामन्यानंतर दोन गटात राडा झाला. या वादातून दाेन्ही गटाकडून तुफान दगडफेक झाली. दोन्ही बाजूचा जमाव आक्रमक झाला हाेता. त्यातून तुफान हाणामारी देखील झाली. पाेलिस (police) विभागाने घटनेतील वीस जणांवर गुन्हा दाखल केला आहे. (Maharashtra News)

मलकापूर पोलीस ठाण्याचे वरिष्ठ पोलीस निरीक्षक अशोक रत्नपारखी यांनी घटनेसंदर्भात दिलेली माहिती अशी रामदेव बाबा नगर परिसरात क्रिकेट (cricket) सामन्यातील जिंकल्यावरून दोन गटात वाद झाला. त्यातून मारामारी झाली.

पाेलिसांचे पथक घटनास्थळी पाेहचल्यानंतर दाेन्ही गटातील लाेक पळून गेले. दोन्ही गटातील वीस जणांवर दंगा केल्याप्रकरणी मलकापूर (malkapur) शहर पोलीसांनी (कलम १६० नुसार) गुन्हा दाखल केला आहे. या घटनेचा कसून तपास सुरु आहे. घटनास्थळी पाेलिसांचा तगडा बंदोबस्त तैनात असल्याचे रत्नपारखी यांनी नमूद केले.

Edited By : Siddharth Latkar