जालना: 23 वर्षीय ट्रक चालकाची दगडाने ठेचून हत्या; मृतदेह जाळून टाकण्याचा प्रयत्न

लक्ष्मण सोळुंके

जालना: जालन्यातील भोकरदनमध्ये दोन दिवसांपासून बेपत्ता असलेल्या 23 वर्षाच्या ट्रक चालकाची दगडाने डोकं ठेचून हत्या करण्यात आली आहे. भोकरदन-जालना रोडवरील सोयगाव देवी फाट्यावर ही घटना घडली आहे.

भगवान तळेकर असं हत्या करण्यात आलेल्या ट्रक चालकाचं नाव आहे. गेल्या दोन दिवसांपासून भगवान बेपत्ता होता. अज्ञात मारेकऱ्यांनी आधी दगडाने डोकं ठेचुन ही हत्या केल्याचं तपासादरम्यान समोर आलं असून नंतर वाळलेल्या कपाशीच्या पऱ्हाट्यामध्ये मृतदेह जाळून टाकण्याचा प्रयत्न केल्याच समोर आले आहे.

हे देखील पहा-

या घटनेची माहिती मिळाल्यानंतर पोलिसांनी घटनास्थळी धाव घेऊन पंचनामा केला आहे. या हत्येप्रकरणी भोकरदन पोलीस ठाण्यात अज्ञात आरोपीविरोधात हत्येचा गुन्हा दाखल करण्यात आला असून पोलिसांचा अधिक तपास सुरु आहे.