St Bus Accident: बस-दुचाकी अपघातात एक ठार; दुचाकीला वाचविताना बस खड्ड्यात

रावेर (जळगाव) : रावेर तालुक्यातील धामोडी येथे एसटी व दुचाकीच्या झालेल्या अपघातात अजंदे येथील (Jalgaon) एकाचा मृत्यू झाला. तर यावल तालुक्यात अन्य एका अपघातात (Accident) दुचाकीला वाचविताना बस खड्ड्यात गेल्याने तीन विद्यार्थी जखमी झाले आहेत. (Maharashtra News)

रावेर तालुक्यातील अजंदे येथील श्री समर्थ कृषी केंद्राचे संचालक बबन भाऊराव पाटील (वय ३४) हे धमोडी येथून कांडवेल गावाकडे जात होते. या दरम्यान कांडवेलकडून धामोडीकडे येणारी एसटी बस व दुचाकीच्या झालेल्या अपघातात बबन पाटील यांचा मृत्यू झाला. येथील ग्रामीण रुग्णालयात शवविच्छेदन करण्यात आले. (Bus Accident) बसचालक जगन्नाथ गंभीर लवंगे यास पोलिसांनी ताब्यात घेतले आहे. याबाबत सुरेश सुकलाल पाटील (अजंदे) यांनी निंभोरा पोलिस ठाण्यात दिलेल्या माहितीवरून अपघाताची नोंद करण्यात आली आहे.

अन्य घटनेत तीन विद्यार्थी जखमी 

यावल जात असलेल्या बस चालकाने रस्त्यात उभ्या असलेल्या दुचाकी वाचविण्याच्या प्रयत्नात एसटी बस रस्त्याच्या खाली खड्ड्यात उतरली. यात बसमध्ये बसलेले तीन विद्यार्थी जखमी झाले आहेत.