फोटो व्हायरल करण्याची धमकी देत अत्याचार

चोपडा (जळगाव) : घुमावल बुद्रुक (ता. चोपडा) येथील २५ वर्षीय महिलेस तिच्या राहत्या घरात घुसून व्हिडिओ कॉल करत हे व्हिडिओ व फोटो व्हॉट्सअॅपवर व्हायरल करण्याची धमकी देत तिच्यावर अत्याचार केल्याची धक्कादायक घटना उघडकीस आली आहे. गेल्या २५ व २७ मार्चला रात्रीच्या सुमारास हा प्रकार घडला. याप्रकरणी चोपडा ग्रामीण पोलिसांत (Police) शुभम पाटील व प्रफुल्ल पाटील (दोघे रा. घुमावल बुद्रुक) यांच्याविरुद्ध गुन्हा दाखल झाला. (jalgaon news Torture threatening to make the photo viral)

पीडित महिलेने दिलेल्या फिर्यादीनुसार, गेल्या शुक्रवारी (ता. २५) शुभम पाटील याने पीडित महिला घरात एकटी असताना (Jalgaon News) अनधिकृतपणे स्वयंपाकघरात प्रवेश केला. त्यानंतर तोंड दाबून व्हिडिओ कॉल करून व्हिडिओ व फोटो काढले व ते व्हॉट्सॲपवर टाकून बदनामी करण्याची धमकी देऊन जबरदस्तीने शरीरसंबंध प्रस्थापित केले. तसेच, रविवारी (ता. २७) देखील सकाळी नऊला शुभम व प्रफुल्ल पाटील यांनी पुन्हा त्याच पद्धतीने स्वयंपाकघरात घुसून लज्जास्पद कृत्य केले. यावेळी पीडित महिलेने आरडाओरड केल्याने दोघे पळून गेले.

सासू व सासऱ्यांना मारहाण

घटनेबाबत महिलेने पती, सासू व सासऱ्यांना सांगितले. त्यानंतर सासू, सासरे जाब विचारण्यासाठी गेले असता, दोघांनी त्यांना लाथाबुक्क्यांनी व काठीने मारहाण केली. या प्रकरणी पीडित महिलेच्या फिर्यादीवरून चोपडा (Chopda) ग्रामीण पोलिसांत गुन्हा दाखल झाला असून, पोलिस निरीक्षक अवतारसिंग चव्हाण तपास करीत आहेत