भडगाव पंचायत समितीच्या निवासस्थानातून फाईलींची चोरी

भडगाव (जळगाव) : येथील पंचायत समितीच्या शासकीय निवासस्थानातून शासकीय फाईल अन् दस्तऐवज चोरीला गेल्याची घटना घडली. याबाबत भडगाव पोलिस (Police) ठाण्यात गुन्हा दाखल करण्यात आला आहे. (jalgaon news Theft of files from the residence of Bhadgaon Panchayat Samiti)

भडगाव (Bhadgaon) पंचायत समितीच्या आवारातील निवासस्थान क्रमांक तीनमधून शौचालय प्रस्तावांसह फाईल व मग्रारोहयो योजनेचे शासकीय दप्तर, दस्तऐवज, मस्टर मागणी व मस्टर, कोरे रजिष्टर, फाईल अज्ञात चोरट्यानी चोरून (Theft) नेल्याची तक्रार करण्यात आली आहे. ही घटना २४ नोव्हेंबर २०२१ ते १३ जानेवारी २०२२ दरम्यान घडल्याचे तक्रारीत म्हटले आहे.

मागच्‍या दरवाज्‍यातून प्रवेश

सन २०२०-२१ पर्यंतचे शौचालय प्रस्तांवासह फाईल व मग्रारोहयो योजनेचे शासकीय दप्तर, दस्तऐवज मस्टर मागणी व मस्टर, कोरे रजिष्टर, फाईल अज्ञात व्यक्तीने शासकीय निवासस्थानाचे मागील दरवाजा तोडून अनाधिकारी प्रवेश करुन संमती शिवाय व लबाडीच्या इराद्याने चोरुन नेले. याप्रकरणी भडगाव पंचायत समितीचे (Bhadgaon Panchayat Samiti) सहाय्यक अधिकारी रवींद्र जगताप यांनी दिलेल्या तक्रारीवरून भडगाव पोलिसात गुन्हा दाखल करण्यात आला आहे. या घटनेचा तपास पोलिस कर्मचारी विलास पाटील करीत आहेत. दरम्यान. आण्णा हजारे प्रणित भ्रष्टाचार समीतीचे विजय पाटील यांनी शौचालयात गैरव्यवहाराची तक्रार केली आहे. आता त्यात दप्तरच चोरीला गेले आहे. त्यामुळे एकच खळबळ उडाली आहे.