Eknath Khadse: सरकारमधील प्रत्येकाच्‍या गुडघ्याला बाशिंग; आमदार एकनाथ खडसेंची प्रतिक्रिया

जळगाव : राज्‍यातील सरकारमधल्या आमदारांमध्ये अस्वस्थता आहे. एकमेकांवर कुरघोडी करण्याचे काम सध्या होत आहे. प्रत्येकाला मंत्री व्हायचं आहे. यासाठी प्रत्येकाने गुडघ्याला बाशिंग बांधून ठेवलेले आहे; अशी प्रतिक्रीया आमदार एकनाथ खडसे यांनी दिली. (Tajya Batmya)

जळगावात (Jalgaon) माध्‍यमांशी संवाद साधताना खडसे बोलत होते. खडसे (Eknath Khadse) यांनी सांगितले, की राज्‍य सरकारमधील प्रत्येक आमदाराला मंत्री व्हायचे आहे. अब्दुल सत्तार यांनी देखील याविषयी उघडपणे सांगितले आहे. त्यामुळे सत्तारांनी ते कार्यकर्ते कोण? हे उघडपणे सांगावे.

सरकार कधीही कोसळू शकते

शिंदे सरकारमध्ये व आमदारांमध्ये एक प्रकारची अस्वस्थता आहे. एकमेकांचे उने दुणे काढत आहेत. अजूनही न्यायालयाच्या निकालाची टांगती तलवार यांच्यावरती आहे. निकाल काय येतो यावर या सरकारचे भवितव्य अवलंबून आहे. अशाच प्रकारची जर अस्वस्थता वाढली; तर हे सरकार कधीही कोसळू शकते; अशी प्रतिक्रिया आमदार एकनाथ खडसे यांनी दिली आहे.