Jalgaon News: गृहकर्जासाठी अर्ज; ७६ हजारात महिलेची फसवणूक

पाचोरा (जळगाव) : येथील विवाहितेला गृहकर्ज मंजूर करून देण्याचे आमीष दाखवून सदर विवाहितेची ७५ हजार ९०० रुपयात ऑनलाईन फसवणूक (Fraud) केली. याप्रकरणी गुन्‍हा दाखल केला आहे. (Letest Marathi News)

पाचोरा (Pachora) येथील महिलेने गृहकर्जासाठी कुणाल सुनील चौधरी यांच्या सांगण्यावरून अर्ज केला. १५ ते २८ मे २०२२ दरम्यान गृहकर्जाची फाईल मंजूरीसाठी कुणाल चौधरी यांनी वेळोवेळी सदर विवाहितेकडून ऑनलाईन ७५ हजार ९०० रुपये (Crime News) घेतले. त्यानंतर गृहकर्जा संदर्भात विचारणा केली असता समाधानकारक उत्तरे मिळाली नाही.

फसवणुकीचा गुन्हा दाखल

कर्जही नाही व फाईल अथवा पैसेही परत न मिळाल्याने आपली फसवणूक झाल्याचे लक्षात येताच महिलेने पोलिसात तक्रार दिली. त्या आधारे पोलिसांनी कुणाल चौधरी यांचे विरोधात फसवणुकीचा गुन्हा नोंदवला असून पुढील तपास पोलीस निरीक्षक प्रताप इंगळे यांच्या मार्गदर्शनाखाली पोलीस नाईक कैलास पाटील करीत आहेत.