विधानपरिषद झाकी है, अभी विधानसभा बाकी है...डॉ. राजेंद्र फडके

जळगाव : संपूर्ण देशात गाजत असलेल्या महाराष्ट्र विधान परिषेदेचे निवडणुकीत भाजपने या निवडणुकीत विजय प्राप्त केला. या विजयाचा आंदोत्सव भाजपा जिल्‍हा कार्यालयात आज भाजप जळगाव (Jalgaon) महानगराच्यावतीने साजरा करण्यात आला. (jalgaon news Maharashtra Political News Rajendra Phadke Statement)

महाराष्ट्र विधान परिषदेत (BJP) भाजपचे पाच उमेदवार विजयी झाले. याचा आंदोत्सव पटाके फोडून, पेढे वाटप करून भाजपा महानगरातर्फे साजरा केला. जिल्हाध्यक्ष दिपक सुर्यवंशी, डॉ. राजेंद्र फडके, माजी महापौर सीमा भोळे यांच्या प्रमुख उपस्थितीत जल्लोष साजरा केला.

आघाडी सरकार अस्थिर

बेटी बचाओ, बेटी पढाओचे राष्ट्रीय सह संयोजक डॉ.राजेंद्र फडके यांनी सांगितले, की महाराष्ट्राचे नेते माजी मुख्यमंत्री देवेंद्र फडणवीस, प्रदेशध्यक्ष चंद्रकांत पाटील, माजीमंत्री गिरीश महाजन (Girish Mahajan), जळगाव शहराचे आमदार व भाजपा ग्रामीणचे जिल्हाध्यक्ष आमदार सुरेश भोळे यांच्या प्रयत्नाला यश आले. यावरून महाविकास आघाडी (Mahavikas Aaghadi) सरकार अस्थिर असल्याचे पुन्हा दिसून येत आहे. महाराष्ट्र विधान परिषद झाकी है, अभी विधानसभा बाकी है असे यावेळी त्यांनी सांगितले.