Jalgaon News: बँकेत जात असल्याचे सांगून घरातून निघाला; वाटेतच मृत्यूने गाठले

जळगाव : आईला सांगून घरातून निघाला. परंतु जळगावी जात असताना तरुणाला वाटेतच मृत्यूने गाठले. अव्हाणी (ता. धरणगाव) येथील (Jalgaon) तरुणाचा सावखेडा शिवारातील कचरा फॅक्ट्रीजवळ रेल्वे रुळावर मृतदेह आढळून आला. (Latest Marathi News)

पवन राजेंद्र बाविस्कर (वय २२) असे या युवकाचे नाव आहे. अव्हाणी गावात काम करून शिक्षण घेत असलेला पवन सोमवारी (११ सप्टेंबर) सकाळी जळगावला बँकेत जात असल्याचे सांगून घरातून निघाला होता. दरम्यान दुपारी (Railway) रेल्वे स्टेशन प्रबंधकांनी तालूका पोलिसांना माहिती दिल्यावर सहाय्यक फौजदार अनील फेगडे, कर्मचारी अनिल मोरे यांच्यासह पोलिस घटनास्थळी दाखल झाले. जिल्‍हा रुग्णालयात अंगझडती घेतल्यावर खिशात मिळालेल्या ओळखपत्रावरुन त्याची ओळख पटल्यावर कुटूंबीयांना माहिती कळविण्यात आली. 

दीड वर्षांपूर्वीच वडिलांचा मृत्यू 

पवनच्या मृत्युची माहिती कळताच कुटूंबीयांनी एकच आक्रोश केला. पवनचे वडील राजेंद्र बाविस्कर यांचेही दीड वर्षांपुर्वी अपघाती निधन झाल्याने कुटूंबाची सर्वस्व जबाबदारी त्याच्यावर हेाती. काम करुन त्याने पदवीपर्यंत शिक्षण पुर्ण केले. दरम्यान, पवनच्या मृत्युचे कारण अद्याप समोर आलेले नसुन, तालूका पोलिसांत अकस्मीक मृत्युची नोंद करण्यात आली आहे. सहाय्यक फौजदार अनिल फेगडे तपास करत आहेत.