अडावद (जळगाव) : आठवडे बाजार परिसरात सुलभ शौचालयाचे बांधकाम सुरू असताना ३३ वर्षीय मजुराला मुख्य वाहिनीच्या वीज तारेचा (electric Shock) स्पर्श झाल्याने जोरदार धक्का बसून त्याचा जागेवरच मृत्यू झाला. यामुळे परिसरात एकच खळबळ उडाली असून, वीज मंडळावर रोष व्यक्त करण्यात येत आहे. (Live Marathi News)
अडावद (ता. चोपडा) येथील ग्रामपंचायतीच्या माध्यमातून आठवडे बाजार परिसरात ग्रामपंचायत कार्यालयापासून हाकेच्या अंतरावर सुलभ शौचालयाचे बांधकाम सुरू आहे. शौचालयावरून उच्च लघुदाब विद्युत वाहिनी गेलेली आहे. अशातच गुरुवारी (८ मे) दोन जण शौचालयाचे बांधकाम करीत होते. (jalgaon News) दरम्यान, दुपारी दोनच्या सुमारास रहेमान गफ्फार मण्यार (वय ३३, रा. अमळगाव, ता. अमळनेर, हल्ली मुक्काम अडावद, ता.चोपडा) या मजुराला विजेचा जबर धक्का बसल्याने त्याचा जागीच मृत्यू झाला.
मजूराच्‍या अंगावर विद्युत तार पडली की त्याचा विद्युत तारेला स्पर्श झाला याबाबत मात्र विविध तर्क लावले जात आहेत. परंतु विद्युत वाहिनीमुळे मजुराचा जीव गेला याला जबाबदार कोण? हा प्रश्न अद्याप अनुत्तरीतच आहे. त्याच्या पश्चात आई, पत्नी, मुलगा, मुलगी असा परिवार आहे. घरातील कर्ता गेल्याने परिवारावर दुःखाचा डोंगर कोसळला आहे. चोपडा (Chopda) उपजिल्हा रुग्णालयात त्याचे शवविच्छेदन करण्यात आले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
