जळगाव : जामनेर शहरातील बाबाजी मार्केटमध्‍ये असलेल्‍या आयडीबीआय बँकेचे एटीएम चोरट्यांनी गॅस कटरच्या सहाय्याने कापले. एटीएम मशीन फोडून यातील तब्बल १२ लाख ७८ हजाराची रोकड लांबविल्‍याची माहिती समोर आली आहे. (jalgaon news jamner Changed the direction of CCTV then broke the ATM)
जामनेर (Jamner) शहरातील बाबाजी मार्केटमधील वरच्या मजल्यावर आयडीबीआय बँकेचे एटीएम आहे. प्रजासत्‍ताक दिनी अर्थात २६ जानेवारीच्‍या रात्री तीन वाजेच्या सुमारास अज्ञात चोरट्यांनी मशीन फोडण्याचे काम केले. याप्रकरणी जामनेर पोलिसात (jamner Police) अज्ञात चोरट्यांविरूद्ध गुन्हा दाखल करण्यात आला आहे.
सीसीटीव्‍हीची दिशा बदलविली
एटीएममधील (ATM Machine) सीसीटीव्ही कॅमेऱ्याची आधी दिशा बदलवली. त्यानंतर सायरन तोडून बाहेर फेकून दिला. यानंतर एटीएम गॅस कटरच्या सहाय्याने कापून त्यातील १२ लाख ७८ हजाराची रोकड कॅश वॉलटसह चोरून नेले. याप्रकरणी आयडीबीआय बँकेचे (IDBI Bank) जामनेर शाखाधिकारी प्रसून परेशनाथ घोष यांच्या फिर्यादीवरून गुन्हा दाखल करण्यात आला आहे. पुढील तपास पो.नि. किरण शिंदे हे करीत आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.