Jalgaon : तहसीलदारांच्या बनावट सहीने दिले ४३ दाखले; धक्कादायक प्रकाराने जळगाव प्रशासनात खळबळ

Jalgaon News : जन्म- मृत्यू नोंदणी विभागात फेब्रुवारी महिन्यात अवघ्या दहा ते बारा दिवसांत ५० प्रकरणे दाखल झाली होती. त्यातील ४३ प्रकरणांवर तहसीलदारांच्या बनावट सह्या असल्याचे समोर आल्याने प्रचंड खळबळ
Jalgaon News
Jalgaon NewsSaam tv
Published On

जळगाव : जळगाव महापालिकेतून देण्यात आलेल्या ५० जन्म- मृत्यूच्या दाखल्याच्या प्रकरणातील ४३ दाखल्याच्या प्रकरणावर तहसीलदारांच्या बनावट सह्या असल्याचा धक्कादायक प्रकार समोर आला आहे. या प्रकाराने जळगावच्या प्रशासनात खळबळ उडाली असून या प्रकरणामुळे मागील तीन महिन्यातील प्रकरणांची चौकशी केली जाणार आहे. 

बनावट शिक्के, सही करून फसवणूक करण्याचे प्रकार समोर आले आहेत. अमरावतीमध्ये मंत्री चंद्रशेखर बावनकुळे यांचे बनावट लेटर हेड व बनावट सहीने जिल्हाधिकारी यांना पत्र दिल्याचा प्रकार कालच समोर आला होता. यानंतर आता जळगांवमध्ये तहसीलदारांच्या बनावट सहीने जन्म- मृत्यूचे दाखले दिल्याचा गंभीर प्रकार समोर आला आहे. यात जळगाव तहसीलदारांच्या सहीने तब्बल ४३ प्रकरणे तयार केल्याचा धक्कादायक प्रकार समोर आला आहे. 

Jalgaon News
Solapur : Solapur : माणुसकी! बेवारस वृद्धावर मुस्लिम तरुणांकडून अंत्यसंस्कार, हिंदू पद्धतीने केला विधी

तीन वर्षाचे रेकॉर्ड तपासणार 

जळगाव महापालिकेच्या जन्म- मृत्यू नोंदणी विभागात फेब्रुवारी महिन्यात अवघ्या दहा ते बारा दिवसांत ५० प्रकरणे दाखल झाली होती. त्यातील ४३ प्रकरणांवर तहसीलदारांच्या बनावट सह्या असल्याचे समोर आल्याने प्रचंड खळबळ उडाली आहे. यामुळे आता जळगावातील बोगस जन्मदाखल्यांच्या प्रकरणांची चौकशी सुरू करण्यात आली आहे. तर जळगाव महापालिकेतील या गंभीर प्रकारामुळे महापालिकेचा मागील तीन वर्षांचे रेकॉर्ड तपासण्याचा निर्णय घेण्यात आला आहे. 

Jalgaon News
Nagpur Crime : नागपुरात सशस्त्र दरोडा; हवेत फायरिंग करत डोक्याला लावली बंदूक, दागिन्यांसह सराफाची कार घेऊन चोरटे पसार

मालेगावप्रमाणे बांगलादेशी कनेक्शन?

जळगाव तहसीलदारांच्या नावाने बनावट सह्या करणाऱ्या अज्ञात व्यक्तींविरुद्ध गुन्हा दाखल होणार करण्यात येणार आहे.  याप्रकरणी आता महापालिकेसह जळगाव तहसीलदार देखील गुन्हा दाखल करणार असल्याची माहिती जिल्हाधिकारी आयुष प्रसाद यांनी दिली आहे.  या संपूर्ण प्रकरणात मालेगाव प्रमाणे बांगलादेशी कनेक्शन असल्याची शक्यता वर्तविण्यात येत असल्यामुळे या संपूर्ण दाखल्यांची कसून तपासणी प्रशासनातर्फे सुरू करण्यात आली आहे. 

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com