सावधान..संसर्ग वाढतोय; जिल्ह्यात नवीन नऊ बाधित

जळगाव : जिल्ह्यात कोरोनाचा संसर्ग नियंत्रणात येऊन जिल्हा कोरोनामुक्त होण्याच्या मार्गावर असताना सोमवारी जिल्ह्यात नवे नऊ रुग्ण आढळून आले. त्यापैकी चार रुग्ण जळगाव शहरात, तर तीन रुग्ण एरंडोलमध्ये आढळून आले. यामुळे जिल्ह्यातील सक्रीय रुग्णांची संख्या 17 वर पोहोचली आहे. (jalgaon-news-coronavirus-spred-again-jalgaon-district-news-nine-paitint)

जळगाव जिल्ह्यात जुलैपासून कोरोनाचा संसर्ग आटोक्यात येऊ लागला होता. ऑगस्ट व सप्टेंबर महिन्यात तो पूर्णपणे नियंत्रणात आला. एकीकडे लसीकरणाचा वेग वाढला असताना नव्याने आढळून येणाऱ्या रुग्णांची संख्या अगदीच नगण्य होती. यामुळे जिल्ह्याची वाटचाल कोरोना मुक्तीकडे होऊ लागली होती.

जळगाव शहरात आढळले रुग्ण

सोमवारी दिवसभरात प्राप्त चाचण्यांच्या अहवालातून जिल्ह्यात नऊ नवे रुग्ण समोर आले. जळगाव शहरातून चार व एरंडोल येथून तीन बाधित आढळून आले. तसेच मुक्ताईनगर व भुसावळ येथून प्रत्येकी एक असे नऊ रुग्ण आढळून आले. सोमवारी अकराशे चाचण्यांचे अहवाल प्राप्त झाले. दिवसभरात दोन रुग्ण बरे झाले. त्यामुळे सध्या जिल्ह्यात सक्रिय रुग्णांची संख्या सतरा असून केवळ एक रुग्ण गंभीर आहे. तो ऑक्सिजन वर आहे.

आतापर्यंत जिल्ह्यात एक 42 हजार 270 रुग्ण आढळले असून एक लाख 40 हजार 176 रुग्ण बरे झाले आहेत. तर 2 हजार 577 बाधितांचा मृत्यू झाला आहे.