इंधन दरवाढीविरोधात काँग्रेसची ढकल गाडी; जळगावात आंदोलन

जळगाव : देशात वाढलेल्या महागाईच्या निषेधार्थ जळगाव जिल्हा कॉंग्रेस समितीतर्फे आज आंदोलन करण्यात आले. पक्ष कार्यालयापासून चारचाकी गाडीला दोरांनी खेचून नेत ढकलगाडी आंदोलन केले. तसेच जोरदार (Congress) घोषणाबाजी करून केंद्र सरकारचा निषेध करण्यात आला. (jalgaon news Congress push car against fuel price hike Movement in Jalgaon)

राज्यात पेट्रोल, डिझेल, गॅसचे दर हे गगनाला भिडले आहे. सर्वसामान्य नागरिकांचे जगणे कठीण झाले आहेत. या भाववाढीच्या निषेधार्थ काँग्रेसतर्फे (Jalgaon) जळगावातील टॉवर चौकात वाढत्या महागाई विरोधात ढकल गाडी अनोखे आंदोलन केले. याप्रसंगी माजी खासदार डॉ. उल्हास पाटील, जिल्हाध्यक्ष प्रदीप पवार, महानगराध्यक्ष शाम तायडे, युवक जिल्हाध्यक्ष देवेंद्र मराठे यांच्यासह अन्य पदाधिकारी आणि कार्यकर्ते सहभागी झाले.

मोदी सरकार विरोधात घोषणाबाजी

केंद्र सरकारच्या विरोधात यावेळी घोषणाबाजी करण्यात आली जळगावातील टॉवर चौकात चाकीला दोर बांधत ढकल गाडी आंदोलन करत मोदी सरकार विरोधात जोरदार घोषणाबाजी करण्यात आली.