भाजप सरकारचे केले राम नाम सत्‍य है..; मोदींचा पुतळा दहन करत कॉंग्रेसचे निदर्शने

जळगाव : पेट्रोल– डिझेलचे वाढते दर तसेच वाढत्‍या महागाई विरोधात कॉंग्रेसच्‍यावतीने आज जळगावात आंदोलन करण्यात आले. तसेच प्रतिकात्‍मक अंत्‍ययात्रा काढून पंतप्रधान नरेंद्र मोदी यांच्‍या पुतळ्याचे दहन करण्यात आले. (jalgaon news congress protests burning PM Modi's statue)

पेट्रोल (Petrol)– डिझेलच्या किंमती दिवसेंदिवस वाढत आहेत. यामुळे सर्वसामान्य नागरिकांचे कंबरडे मुडले असून पेट्रोल ११६ रुपये आणि डिझेलने शंभरचा आकडा गाठला आहे. यामुळे दैनंदिन जीवनातील वस्तूच्या किंमती देखील वाढत असून याची झळ सर्वसामन्य नागरिकांना बसत आहे. यामुळे आज जळगावात (Jalgaon) काँग्रेसच्यावतीने वाढत्या पेट्रोल- डिझेलच्या किंमती विरोधात निदर्शने करत काँग्रेस (Congress) भवनापासून प्रतिकात्मक स्वरूपात अंत्ययात्रा काढली. तसेच पंतप्रधान नरेंद्र मोदी यांच्या पुतळ्याचे टॉवर चौकात दहन करण्यात आले.

भाजप सरकारचे राम नाम सत्‍य है..

कॉंग्रेसच्‍या कार्यकत्‍र्यांनी जोरदार निदर्शने करीत केंद्र सरकारच्या विरोधात जोरदार घोषणाबाजी करण्यात आली. यावेळी पंतप्रधान नरेंद्र मोदी यांच्‍या पुतळ्याचे दहन करत भाजप सरकार राम नाम सत्‍य है..अशी घोषणाबाजी केली.