Akshaya Tritiya: सोने खरेदीचा साधला मुहूर्त

जळगाव : आज अक्षय तृतीया म्हणजेच साडेतीन मुहूर्तांपैकी एक असलेला मुहूर्त. या अक्षय तृतीयेचा मुहूर्त साधत जळगावकरांनी सराफ (Jalgaon) बाजारात सोने खरेदीसाठी मोठ्या प्रमाणात गर्दी केली होती. (jalgaon news Akshaya Tritiya The moment of buying gold)

साडेतीन मुहूर्तांपैकी एक मुहूर्त असलेल्या अक्षय तृतीयेला आपल्या भारतीय संस्कृतीत खूप महत्व आहे. त्यामुळे हा दिवस अतिशय शुभ मानला जात असल्याने या दिवशी अनेक जण सोने खरेदी करतात. त्यामुळे आजचा हा दिवस खरेदी दारांबरोबरच सराफा व्यावसायिकांचा लगबगीचा दिवस असतो.

जळगाव सराफ बाजारात गर्दी

आजच्या दिवशी सोने खरेदी केल्याने सुख समृद्धी वाढते असे मानले जाते. यामुळे आज जळगावच्या सराफ बाजरात जळगावकरांनी मोठ्या संख्येने सोने खरेदी केली. प्रत्येकजण आपल्या बजेटप्रमाणे थोड्या प्रमाणात का होईना सोने खरेदी करताना दिसून आले.