Jalgaon: शिंदे गटातील आमदारांच्‍या भगिनीने केले अजित पवारांचे स्‍वागत

जळगाव : शिवसेनेतून फुटलेले शिंदे गटाचे बंडखोर आमदार किशोर पाटील यांच्‍या भगिनी तसेच शिवसेनेच्‍या नेत्‍या वैशाली सूर्यवंशी यांनी विरोधी पक्ष नेते राष्ट्रवादी काँग्रेसचे अजित पवार (Ajit Pawar) यांचे औक्षण करत स्वागत केले. (Jalgaon News Ajit Pawar)

पाचोरा (Pachora) शहरात आगमनापूर्वी अजित पवार यांचे (Shiv Sena) शिवसेनेच्या नेत्या वैशाली सूर्यवंशी यांनी औक्षण करून पुषगुच्च देत स्वागत केले. यावेळी विधानसभेचे माजी अध्यक्ष अरुणभाई गुजराती, राष्ट्रवादी काँग्रेसचे ज्येष्ठ नेते एकनाथ खडसे (Eknath Khadse) यांच्यासह (NCP) राष्ट्रवादी काँग्रेसच्या पदाधिकाऱ्यांची उपस्थिती होती. या ठिकाणी काही संघटनांनी अजित पवार यांना विविध विषयांचा संदर्भात निवेदनही दिले. येथे स्वागतनंतर अजित पवार हे कार्यक्रमस्थळी रवाना झाले.

आघाडी असल्याने भेट

राष्ट्रवादी काँग्रेसच्या वतीने भव्य दुचाकी रॅली काढण्यात आली. या रॅलीच्या समवेत अजित पवार हे कार्यक्रमस्थळी रवाना झाले. विरोधी पक्ष नेते अजित पवार यांचे जल्लोषात स्वागत करण्यात आले. यावेळी महाविकास आघाडीचे सर्व पदाधिकारी उपस्थित होते. या भेटीत त्यांना निर्मल सिडस्‌ कंपनीबद्दल माहिती देण्यात आली. तसेच आगामी काळात आर. ओ. तात्या यांच्या पुतळ्याच्या अनावरणा संदर्भातही माहिती देण्यात आली. शिवसेना, राष्ट्रवादी काँग्रेस व काँग्रेस यांची आघाडी असल्याने यांनी अजित पवार यांनी भेट घेतली असे शिवसेनेचे नेते तसेच बंडखोर आमदार किशोर पाटील यांच्या भगिनी वैशाली सूर्यवंशी यांनी सांगितले.