Accident: पहाटेच मृत्‍यूने गाठले; पायी चालणाऱ्या महिलेस ट्रकने उडविले

भुसावळ : सकाळी सकाळी उठून मंदिरात दर्शनासाठी पायी जात असताना प्रौढ महिलेवर काळाने झडप घातली. महिलेस ट्रकने मागून धडक दिल्‍याने यात सदर महिलेचा जागीच मृत्यू झाला. (jalgaon news accident news woman on foot was blown up by a truck)

भुसावळ (Bhusawal) शहरातील महात्मा गांधी पुतळ्याजवळ असलेल्या राज्य उत्पादन शुल्क विभागाच्या कार्यालयाजवळील रस्त्यावरून मीनाबाई मोहन अग्रवाल (वय ५५) या मंदिरात जात होत्‍या. रस्‍त्‍याच्‍या कडेने चालत असताना महिलेला मार्गावरून जाणाऱ्या ट्रकने जोरदार धडक (Accident) दिली. यात त्यांचा जागीच मृत्यू झाला. त्या मंदिरात दर्शनासाठी जात असतांना काळाने त्यांच्यावर झडप घातली. घटनेची माहिती मिळताच परिसरातील नागरिकांनी अपघातस्थळी धाव घेतली. मयत महिला ही तु.स. झोपे शाळेजवळ, मेथाजी मळा येथील रहिवासी असून त्यांच्या अपघाती निधनामुळे (Accident Death) परिसरावर शोककळा पसरली आहे.