Fraud Case : नोकरी लावण्याचे आमिष देत तरुणाची ३ लाखात फसवणूक

जळगाव : नोकरीच्या शोधात असलेल्या तरुणाला नोकरी लावून देण्याचे आमिष देत तीन लाखांत फसवणूक (Fraud) केल्याचा प्रकार समोर आला आहे. या प्रकरणी दोन जणांवर चाळीसगाव शहर पोलिसात (Police) गुन्हा दाखल करण्यात आला आहे. (Latest Marathi News)

चाळीसगाव (Chalisgaon) येथील रहिवाशी शामकात युवराज भोसले (वय २७) याला जुलै २०२२ मध्ये चाळीसगाव शहरातील स्टेशन रोडवर एका जणासोबत ओळख झाली. ओळख झाल्यानंतर सदरच्या व्यक्तीने सरकारी नोकरी लावून देण्याचे आमिष (Jalgaon) शामकांत याला दाखवले.  त्यांच्या बोलण्यावर विश्वास ठेवून तरुणाने बँक खात्याद्वारे पाच लाख रुपये संशयितांना दिले. मात्र पैसे देऊन देखील नोकरी न लागल्याने समोरच्याकडे तगादा लावला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

२ लाख मिळाले परत 

शामकांत याने सतत तगादा लावल्याने सदरील व्यक्तीने २ लाख रुपये परत केले. मात्र उर्वरीत तीन लाख रुपये परत न करण्यास टाळाटाळ केली. यानंतर फसवणूक झाल्याचे लक्षात आल्याने तरुणाने चाळीसगाव शहर पोलिसात तक्रार नोंदवली. याप्रकरणी संशयित संजय कामतप्रसाद राजपूत (मुंबई नाका, नाशिक) व सुशील भालचंद्र पाटील (पंचवटी, नाशिक) यांच्याविरोधात फसवणुकीचा गुन्हा दाखल केला आहे.