Muktainagar Crime : जळगाव हादरले; जमिनीच्या वादातून चुलत भावाची हत्या

जळगाव : वडिलोपार्जित असलेल्या शेत जमिनीवरून जुना वाद होता. हा वाद उफाळून आल्याने चुलत भावाने हत्याराने वर करत आपल्या भावाची हत्या केल्याची घटना मुक्ताईनगर तालुक्यातील टाकळी शिवारात समोर आली आहे. या प्रकरणी मुक्ताईनगर पोलीस ठाण्यात दोन जणांविरोधात गुन्हा दाखल करण्यात आला आहे. तसेच एकाला ताब्यात घेण्यात आले असून पोलीस पुढील तपास करत आहेत. 

जळगाव जिल्ह्यातील मुक्ताईनगर तालुक्यातील टाकळी येथील सुनील रामसिंग चव्हाण (वय ३२) असे मृत तरुणाचे नाव आहे. सुनील चव्हाण हा शेती आणि मजुरीचे काम करून उदरनिर्वाह करत होता. दरम्यान सुनील व त्याचा चुलतभाऊ प्रवीण जगन चव्हाण यांच्यामध्ये मागील काही दिवसांपासून शेतीच्या जमिनीवरून वाद सुरू होता. हा वाद पुन्हा उफाळून आल्याने वादातूनच सदर घटना घडल्याचे समोर आले आहे. 

जेवणासाठी बाहेर गेला परतलाच नाही 

दरम्यान २५ मार्चला सायंकाळी सुनील मित्रांसोबत जेवण करण्यासाठी बाहेर गेला होता. मात्र जेवणासाठी बाहेर गेला असता सुनील घरी परतलाच नाही. यामुळे त्याच्या नातेवाईकांनी त्याचा शोध घेतला असता रात्री उशिरापर्यंत सापळुन आला नाही. तर दुसऱ्या दिवशी सकाळी ६ वाजता सुमारास सुनील चव्हाण यांचे नातेवाईक रस्त्यावरून येत असताना टाकळी शिवारात सुनिल चव्हाण यांचा दुचाकीजवळ मृतदेह आढळून आला.

दोघांविरोधात गुन्हा दाखल 
शरीरावर मारहाणीच्या जखमा असल्याने त्याचा खून झाल्याचा संशय नातेवाईकांना आला. घटनेबाबत पोलिसांना माहिती मिळाल्यानंतर घटनास्थळी जात पंचनामा केला. तर मुक्ताईनगर पोलीस ठाण्यात मयत सुनील चव्हाण यांचा भाऊ संजय चव्हाण यांनी दिलेल्या फिर्यादीवरून संशयित प्रवीण जगन चव्हाण आणि बाळू ममराज जाधव यांच्या विरोधात खुनाचा गुन्हा दाखल करण्यात आला आहे.