भाजप– शिवसेना समोरासमोर; महासभेत व्‍यासपीठावर उपमहापौरांच्‍या बसण्यावरून वादंग

जळगाव : महापालिकेतील उपमहापौर कुलभूषण पाटील यांना महासभेत व्यासपीठावर बसण्याचा अधिकार आहे का? तसा नियम दाखवा असा मुद्दा नगरसेवक कैलास सोनवणे यांनी उपस्थित केला. यानंतर सभेत चांगलाच गदारोळ झाला. यानंतर विरोधक भाजप व सत्‍ताधारी शिवसेनेचे सदस्‍यांमध्‍ये देखील वादंग झाल्‍याचे पाहण्यास मिळाले. (jalgaon-corporation-news-Controversy-over-Deputy-Mayor's-sitting-on-the-podium)

कोरोनाच्या पार्श्‍वभूमीवर जळगाव महापालिकेची (Jalgaon Municipal Corporation) सभा ऑनलाइन होत होती. तब्‍बल दोन वर्षांनंतर आज महापालिकेची ऑफलाईन महासभा झाली. आधीच्या तहकूब झालेल्या महासभेच्या पार्श्‍वभूमीवर आजची महासभा वादळी सुरु झाली आहे. सकाळी अकरा वाजता महासभेस प्रारंभ झाला. महापौर जयश्री महाजन अध्यक्षस्थानी होते. उपमहापौर कुलभूषण पाटील, आयुक्त सतीश कुलकर्णी व्यासपीठावर होते.

एकेरी उल्‍लेख अन्‌ शाब्दिक चकमक

जळगाव महापालिका महासभेत गदारोळ झाला. भाजपचे नगरसेवक कैलास सोनवणे यांनी उपमहापौर व्यासपीठावर बसू शकतात काय? असा प्रश्न उपस्थित केल्‍यानंतर उपमहापौर कुलभूषण पाटील व कैलास सोनवणे यांच्यात शाब्दिक चकमक उडाली. या वादात दोघांनी एकेरी शब्दात उल्लेख करत तोडपाणी केल्याचा आरोप देखील झाला.