Accident News : महामार्गावर अपघाताचा थरार! नियंत्रण सुटल्याने कार डिव्हायडरला धडकली, तरुणीचा जागीच मृत्यू तर एक गंभीर

जळगावातून मोठी बातमी समोर आली आहे. जिल्ह्यातील नशिराबाद जवळ मुंबई नागपूर राष्ट्रीय महामार्गावर कारचा भीषण अपघात झाला आहे. या अपघातात एका तरुणीचा मृत्यू झाला असून चालक गंभीर जखमी झाला आहे. जखमींना जवळच्या रुग्णालयात दाखल करण्यात आले असून त्याच्यावर उपचार सुरु आहेत. याप्रकरणी पोलीस तपास करत आहेत.

मिळालेल्या माहितीनुसार, जळगाव जिल्ह्यातील नशिराबाद जवळ मुंबई नागपूर राष्ट्रीय महामार्गावर काल रात्रीच्या सुमारास इनोवा कारचा भीषण अपघात झाला. महामार्गावर कारचे नियंत्रण सुटल्याने इनोवा कार डिव्हायडरला धडकली. या धडकेत कार मधील तरुणीचा जागीच मृत्यू झाला असून कार चालक गंभीर जखमी झाला आहे.

या अपघाताची माहिती पोलिसांना देताच पोलीस घटनास्थळी दाखल झाले. अपघातचा पंचनामा करून मृतदेह शवविच्छेदनासाठी पाठवण्यात आला. सदर अपघात जळगाव कडून भुसावळकडे जाताना हा झाला आहे. या अपघातातील जखमी तरुण कार चालकाला डॉ. उल्हास पाटील वैद्यकीय महाविद्यालयात दाखल करण्यात आले आहे.

जखमी तरुणाची प्रकृती चिंताजनक असल्याचे डॉक्टरांचे म्हणणे आहे. या अपघातानंतर महामार्गावर काही काळ वाहतूक विस्कळीत झाली होती. मात्र काही तासानंतर सुरळीत करण्यात आली. दरम्यान भीषण अपघातानंतर परिसरात भीतीचे वातावरण निर्माण झाले होते.