Jalgaon Accident : रस्त्यात कुत्रा आडवा आल्याने दुचाकी घसरली; अपघातात तरुणाचा मृत्यू

Jalgaon News : जळगावात खाद्यपदार्थांच्या गाड्यांवर काम करून मिळणाऱ्या पैशातून तो परिवाराचा उदरनिर्वाह करीत होता. रविवारी खवय्यांची गर्दी होत असल्याने रात्री घरी जाण्यास उशीर झाला होता.
Jalgaon Accident
Jalgaon AccidentSaam tv

जळगाव : कामाला जळगावला येऊन कुटुंबाचा उदरनिर्वाह करणाऱ्या तरुणावर काळाने झडप घातली आहे. रात्री कामावरून घरी जात असताना रस्त्यात अचानक कुत्रा आडवा आला. यामुळे कुत्र्याला वाचविण्याच्या प्रयत्नात दुचाकी घसरून अपघात झाला. या अपघातात तरुणाचा जागीच मृत्यू झाल्याची घटना जळगाव ते कुसुंबा दरम्यान रात्रीच्या सुमारास घडली. 

Jalgaon Accident
Dhule News : भर पावसाळ्यात पाणी प्रश्न पेटला; अक्कलपाडा धरणातून पाणी सोडण्यासाठी शेतकऱ्यांचा रस्ता रोको

जळगाव तालुक्यातील कुसुंबा येथील गणेश घनश्याम सोनार (वय २६) असे अपघातात मृत झालेल्या तरुणाचे नाव आहे. कुसुंबा गावात तो आई आणि बहिणीसोबत वास्तव्यास होता. दरम्यान जळगावात (Jalgaon) खाद्यपदार्थांच्या गाड्यांवर काम करून मिळणाऱ्या पैशातून तो परिवाराचा उदरनिर्वाह करीत होता. रविवारी खवय्यांची गर्दी होत असल्याने रात्री घरी जाण्यास उशीर झाला होता. मात्र सर्व काम आटोपून गणेश हा रात्री दहाच्या सुमारास जळगाववरून कुसुंबा येथे घरी (Accident) जाण्यासाठी निघाला. मात्र जळगाव- संभाजीनगर महामार्गावरील विमानतळाजवळ आला असता रस्त्यावर कुत्रा समोर आला. 

Jalgaon Accident
Dharashiv News : आश्रम शाळा शिक्षक, कर्मचाऱ्यांचे जागरण गोंधळ आंदोलन; भविष्य निर्वाह निधी प्रस्ताव मंजूर करण्याची मागणी

रात्रीच्या अंधारात महामार्गावरून दुचाकी चालवीत असताना अचानक कुत्रा समोर आल्याने त्याला वाचविण्याच्या प्रयत्नात दुचाकी रस्त्यावर घसरली. यात तो खाली पडला. यानंतर त्याला जळगावच्या शासकीय वैद्यकीय महाविद्यालय व रुग्णालयात आणले असता वैद्यकीय अधिकाऱ्यांनी त्याला तपासून मृत घोषित केले. घरातील कमावता व्यक्ती गेल्याने कुटुंबीयांनी एकच आक्रोश केला. दरम्यान घटनेची माहिती मिळताच एमआयडीसी पोलीस स्टेशनच्या कर्मचाऱ्यांनी घटनेची माहिती जाणून घेतली.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com