![CCTV Camera, satara](http://media.assettype.com/saamtv%2F2023-06%2Fe9e39cb1-5b87-46cf-89d8-b798647d70c5%2FSaam_Templet_Banner_new__42_.jpg?w=480&auto=format%2Ccompress&fit=max)
Satara News : सातारा जिल्ह्यातील किरकोळ औषधे परवाना धारकांनी त्यांच्या दुकानात एक महिन्याच्या आत सीसीटीव्ही कॅमेरे बसवावेत असा आदेश प्रशासनाने काढला आहे. याबाबतची माहिती अन्न व औषध प्रशासन सहायक आयुक्त म.स. जवंजाळ-पाटील यांनी दिली. (Maharashtra News)
गुंगी कारक औषधांच्या अवैध विक्रीवर लक्ष ठेण्यासाठी जिल्हाधिकारी जितेंद्र डूडू (jitendra dudi ias) यांनी याबाबतचे आदेश काढले आहेत. या आदेशात सीसीटीव्ही कॅमेरेचे फुटेज आवश्यकते प्रमाणे औषध निरीक्षक, बालकल्याण पोलीस अधिकारी आणि शासनाने अथवा जिल्हादंडाधिकारी यांनी नियुक्त केलेल्या अधिकारी, कर्मचारी यांना पडताळणीसाठी उपलब्ध करुन देणेही बंधनकारक असल्याचे नमूद करण्यात आले आहे.
दरम्यान जिल्ह्यातील किरकोळ औषधे परवाना धारकांनी त्यांच्या दुकानात एक महिन्याच्या आत सीसीटीव्ही कॅमेरे न बसविल्यास त्यांच्या नियमभंगाची कारवाई हाेऊ शकते अशी चर्चा शहरात सुरु झाल्याने औषध विक्रेते धास्तावले आहेत.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.