Solapur News : 'सिद्धेश्वर' ची चिमणी पुन्हा उभारा : एमआयएमची शासनास मागणी

Solapur News : ज्यांनी सिद्धेश्वरची चिमणी पाडली आहे त्यांनी ती पुन्हा उभा करावी अशी मागणी एआयएमआयएम नेते फारुक शाब्दी यांनी केली आहे. शाब्दी यांनी शिष्टमंडळासह सिद्धेश्वर सहकारी साखर कारखान्याचे प्रमुख धर्मराज काडादी यांची भेट घेतली. याभेटीनंतर शाब्दी यांनी शासनाशी चर्चा करणार असल्याचे देखील सांगितले. (Maharashtra News)

शाब्दी म्हणाले शेतकऱ्यांना (farmers) उसाचा चांगला दर आणि तेही वेळेवर देणारा कारखाना म्हणून सिद्धेश्वरची ख्याती आहे. त्या कारखान्याला तुम्ही सोडत नाही. सोलापूर जिल्हा हा साखर कारखान्याचा जिल्हा म्हणून ओळखला जातो.

इथं असे पण साखर कारखाने आहेत. जे फक्त ऊस घेतात आणि शेतकऱ्यांना वेळेवर पैसे देत नाहीत असे कारखाने आज सुरू आहेत. वेळेवर पैसे देणारा सिद्धेश्वर कारखाना आज बंद आहे. लवकरात लवकर धर्मराज काडादी यांना न्याय मिळावा असे शाब्दी यांनी माध्यमांशी बाेलताना म्हटलं.

चिमणी पुन्हा उभारा

विमान सेवा सुरू करण्यासाठी कारखान्याची चिमणी पाडली असं सांगतात. माझा प्रशासनाला प्रश्न आहे. विमानतळ व्हायला पाहिजे मात्र विकसित असलेला कारखाना बंद पाडून हजारो शेकडो शेतकऱ्यांचे आणि कामगार यांचे घर बंद पाडून सोलापूरकरांना विकास नाही पाहिजे आहे. ज्यांनी चिमणी पाडली आहे. त्यांनी ती पुन्हा उभी करावी अशी मागणी एआयएमआयएम पक्षाकडून करण्यात आली आहे.

Edited By : Siddharth Latkar