वाई : माण तालुक्यामधील संभूखेड गावचे जवान सचिन विश्वनाथ काटे (वय- २४ ) यांना देशसेवा बजावत असताना राजस्थान या ठिकाणी वीरमरण आले आहे. या घटनेमुळे माण तालुक्यासह संभूखेड गावात शोककळा पसरली आहे. संभूखेड या ठिकाणी जवान सचिन विश्वनाथ काटे यांना देशसेवा बजावत असताना राजस्थानमध्ये बुधवारी २०ऑक्टोबर दिवशी रात्री वीर मरण आल्याची माहिती भाऊ रेवन काटे यांना राजस्थान लष्कराच्या युनिटने दिली होती.
हे देखील पहा-
५ वर्षापुर्वी सचिन काटे भारतीय सेनेत भर्ती झाले होते. त्यांचा लहान भाऊ देखील रेवन विश्वनाथ काटे हा लहान भाऊ आसाम या ठिकाणी देशसेवा बजावत आहे. आई- वडिल हे गावी शेती करतात. सचिन काटे यांना वीर मरण आल्याची माहिती मिळताच माण तालुक्यासह संभूखेड गावात शोककळा पसरली आहे.
त्यांच्या मागे आई- वडील आणि लष्कर सेवेत असलेले भाऊ असा परिवार आहे. सचिन काटे यांचे पार्थिव पुणे येथील लष्कराचे जवान घेऊन येत असून, आज शनिवारी संभूखेड या जन्म गावी त्यांच्या पार्थिवावर अंत्यसंस्कार करण्यात येणार आहेत.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.