Jawan Suraj Yadav News : जवान सूरज यादव यांचं निधन, येरवळे गावावर शाेककळा

Jawan Suraj Yadav News : आसाम येथील दिमापूरमध्ये सातारा जिल्ह्यातील कराड तालुक्यातील येरवळे गावचे सुपुत्र जवान सूरज मधुकर यादव (Jawan Suraj Yadav) यांचे निधन झालं. ते भारतीय लष्कराच्या सेवेत होते. त्यांच्या निधनाने येरवळे (yervale) गावावर शोककळा पसरली आहे. आज (बुधवार) त्यांच्यावर शासकीय इतमामात अंत्यसंस्कार करण्यात येणार आहेत अशी माहिती स्थानिक प्रशासनाने दिली. (Maharashtra News)

सोमवारी सायंकाळी घडलेल्या घटनेची माहिती रात्री उशिरा गावाकडे समजताच गावातील वातावरण सुन्न झाले आहे. ग्रामस्थांतून हळहळ व्यक्त केली जात आहे. त्यांचे पार्थिव विमानाने आज (बुधवारी) पुण्यात त्यानंतर (Satara) गावाकडे आणले जाणार आहे.

सूरज यादव २००७-०८ दरम्यान भारतीय सैन्यदलात भरती झाले होते. काही वर्षे त्‍यांनी पुण्यात सेवा बजावली. तद्नंतर तीन महिने बरेली (उत्तर प्रदेश) येथून पुढे नागालँड (आसाम) याठिकाणी १११ इंजिनिअर रेंजमेंट विभागात ते कार्यरत होते.

Edited By : Siddharth Latkar