Satara News : सातारा पालिकेच्या पाणीपूरवठा विभागाने (satara water supply news) कास आणि शहापूर योजनेतील जाणवणा-या तांत्रिक अडचणी दूर करण्यासाठी आजपासून (साेमवार) विविध कामे हाती घेतली आहेत. या कामांमुळे शहरात कास आणि शहापूर याेजनेच्या पाणी पूरवठ्यावर परिणाम हाेणार असल्याची माहिती पालिकेतून देण्यात आली आहे. (Maharashtra News)
मुख्‍याधिकारी अभिजित बापट यांनी दिलेल्या पत्रकात शहापूर योजनेच्‍या उच्‍चदाब वाहिनीची दुरुस्‍ती, तसेच कास योजनेच्‍या सांबरवाडी येथील जलशुद्धीकरण टाकीच्‍या स्‍वच्‍छतेची कामे हाती घेण्‍यात येणार आहे. या कारणास्‍तव शहापूर योजनेचा पाणीपुरवठा २१ आणि २२ जूनला तसेच कास योजनेतील पाणीपुरवठा १९ (साेमवार) आणि २० जून कमी अथवा खंडित होऊ शकतो असे म्हटलं आहे.
शहापूर योजनेवरील यशवंत टाकीच्‍या माध्‍यमातून दुपारच्‍या सत्रात होणारा पाणीपुरवठा २१ आणि २२ जूनला सकाळच्‍या सत्रातील गुरुवार, गणेश, यशवंत टाकी, घोरपडे टाकी, राजवाडा, बुधवार नाका टाकीच्‍या भागातील पाणीपुरवठा कमी दाबाने अथवा खंडित होण्‍याची शक्‍यता आहे. आजपासून (साेमवार) पाणीकपात देखील पालिकेच्या वतीने मागे घेण्‍यात येणार आहे असे पत्रकात स्पष्ट करण्यात आले आहे.
कास (Kass) योजनेच्‍या सांबरवाडी टाकीतील फिल्‍टर बेडचे काम १९ जूनला पालिकेच्या वतीने करण्यात येणार आहे. यामुळे १९ जूनला सकाळच्‍या सत्रातील डोंगराळ भागातील पाणीपुरवठा बंद राहणार आहे.
२० जूनला यादोगोपाळ, मंगळवार पेठेतील तसेच कात्रेवाडा टाकी, गुरुकुल टाकी, व्‍यंकटपुरा टाकी, भैरोबा टाकी, कोटेश्‍‍वर टाकीच्‍या माध्‍यमातून होणारा पाणीपुरवठा बंद राहणार आहे. पालिकेने कास योजनेवरील देखील पाणी कपात सोमवारपासून मागे घेतली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
